KUBANDA DISOLO
DILONGI 2
Bika disolo tatamana na mutindu yina mebonga
Nsikudukusu: ‘Mpova yina bametuba na ntangu ya mbote—yakevuandaka mbote mpenza!’—Bin. 15:23.
Mambu yina Filipi salaka
1. Tala VIDEO, to tanga Bisalu 8:30, 31. Na manima tadila biuvu yayi melanda:
Yinki dilongi beto mebaka na kifuani ya Filipi?
2. Kana beto mebika nzila ti disolo tatamana na mutindu yina mebonga, muntu kebanga ve kusolola na beto mpe yandi kevuanda pene ya kuwa nsangu na beto.
Landa kifuani ya Filipi
3. Zaba kusadila meso. Nge lenda zaba mambu mingi yina metadila muntu na kutalaka kaka yilungi na yandi, mutindu yandi kena kumonana, mpe bajeste na yandi. Muntu yango kena kumonana ti yandi kele pene samu na kusolola na nge? Nge lenda banda kutubila diambu mosi yina kele na Biblia na kuyuvusaka kaka kiuvu, “Nge mezaba ti . . . ?” Manga kusosa kaka kusolola na muntu yina kele ve na nsatu ya kusolola.
4. Vuanda na ntima yinda. Kukimona ve ti nge fueti banda kaka kutubila kedika ya Biblia mbala mosi. Kuvingila diluaku ya mbote lenda sala ti disolo tatamana na mutindu yina mebonga. Na bantangu yankaka, yalenda monisa kuvingila disolo yina beno kesolola na muntu yango mbala kelanda.
5. Zaba kusoba disolo. Muntu lenda banda kutubila diambu mosi yina nge kukivingilaka na yau ve. Na yau vuanda pene ya kutubila diambu mosi yina kesepedisa muntu yango, ata kana yakelomba kutubila kedika mosi ya Biblia yina mesuasana na yina vuandaka na makanisi na nge.
