“Nzambi . . . kepangusa mansanga nionso na meso ya bau, lufua kevuanda diaka ve, na kunionga, na bidilu, na bampasi kevuanda diaka ve. Mambu ya ntete meluta.”—Kusonga 21:3, 4, Traduction du monde nouveau.

Nge kevuanda na kisalu mosi ya mbote mpe ya kusepedisa.—Yezaya 65:21-23.

Maladi mpe bampasi ya mutindu nionso kevuanda diaka ve.—Yezaya 25:8; 33:24.

Nge kevuanda na luzingu ya kiese mpe yina mekondua nsuka, nge na dibuta na nge mpe bankundi na nge.—Nkunga 37:11, 29.

Ee, ata samu na mambu zole kaka:

• Nzambi kele na lulendo ya kukokisa nsilulu yango. Na Biblia, Yehova Nzambi kaka mebokidulua “Mpungu-tulendo,” samu ngolo na yandi kele na nsuka ve. (Kusonga 15:3) Na yau, yandi kele na ngolo ya kukokisa mpenza nsilulu yina yandi pesaka ya kubongisa yinza na beto. Mutindu kaka Biblia metuba, “na Nzambi nionso lenda salama.”—Matayo 19:26.

• Nzambi kele na nsatu ya kukokisa nsilulu na yandi. Na kifuani, Yehova kele na “nsatu ya ngolo” ya kuvutula na luzingu bantu yina mekufuaka.—Yobi 14:14, 15.

  Biblia kena kumonisa diaka ti Yesu Muana ya Nzambi, vukisaka bantu ya maladi. Samu na yinki yandi vuandaka sala yau? Samu yandi vuandaka zola kusala yau. (Marko 1:40, 41) Mutindu Tata na yandi, Yesu vuandaka yangalala kusadisa bantu ya mpasi.—Yoane 14:9.

  Na yau, beto fueti tula kivuvu ti Yehova na Yesu kezolaka kusadisa beto samu beto baka luzingu ya kiese na bilumbu kena kuiza!—Nkunga 72:12-14; 145:16; 2 Piere 3:9.