Kina kia 5 kia ngonde a Setemba 2012 muna mene, kiavewa luzayisu kun’evula dia Estados Unidos ye Canadá vo selo kiampa kikulamene muna Buka kia Selo Yambuta ya Mbangi za Yave. Tuka kina kia 1 kia ngonde a Setemba 2012, mpangi Mark Sanderson wayantika sadila muna buka kiaki.

Mpangi Sanderson kuna San Diego, California, U.S.A. kasansukila kwa mase m’Akristu. Wavubwa kina kia 9 kia ngonde a Fevelelo 1975. Kina kia 1 kia ngonde a Setemba 1983 wayantika sala se mviti a nzila kuna Saskatchewan, Canadá. Muna ngonde a Desemba 1990, wakota Sikola ya Nkubama ya Uselo (iyikilwanga o unu vo Sikola ya Nkand’a Nzambi mu Kuma kia Mpangi Z’akala bena vo Ampumpa) kuna Estados Unidos. Muna ngonde a Abidi 1991, mpangi Sanderson watumbikwa se mviti a nzila a espesiale kuna Newfoundland, Canada. Una kasala se nkengi a zunga ansadisi, wabokelwa mu kwenda sadila kun’evula dia Canadá muna ngonde a Fevelelo 1997. Muna ngonde a Novemba 2000, wafilwa kun’evula dia Estados Unidos, Entete wasadilanga kuna Departamento de Serviços de Informações sobre Hospitais, i bosi wasadila kuna Departamento de Serviço.

Muna ngonde a Setemba 2008, mpangi Sanderson wakota Sikola y’Afidi a Mavula. I bosi, wafilwa kuna Filipinas mu kwenda sala se mosi mun’Afidi a Vula. Muna ngonde a Setemba 2010, wabokelwa diaka kuna Estados Unidos kuna kasadidinge nze nsadisi muna Buka kia Salu kia Buka kia Selo Yambuta.