Yesu Adieyi Kalonga mu Kuma kia Yandi Kibeni
Yesu Adieyi Kalonga mu Kuma kia Yandi Kibeni
“Yesu kakala ye lukatikisu ko, watoma kizaya kana vo nani kakala, akweyi katuka, ekuma kayizila ova nza ye dina diadi kumbwila kusentu.”—Ukavova NSONEKI MOSI, HERBERT LOCKYERI.
MUNA kwikila yo bund’e vuvu muna malongi ma Yesu, diamfunu twateka zaya diambu mu kuma kiandi. Yesu nani kieleka kakala? Akweyi katuka? Nkia kani kakala diau muna zingu? Muna Nsangu Zambote zasoneka Matai, Maku, Luka ye Yoane, tulenda solola mvovo mia Yesu mivananga mvutu za yuvu yayi.
Wateka zinga una kawutukidi ko ova ntoto Lumbu kimosi Yesu wavova vo: ‘Ova ke kiawutukidi Abarayama ko, ikalanga.’ (Yoane 8:58) Tuka muna lumbu ya Abarayama, 2.000 ma mvu miavioka i bosi Yesu kawutuka. Kansi Yesu wateka zinga una Abarayama wa nkwa kwikizi kawutukidi ko ova ntoto. Ozevo, Yesu akweyi kazingidinge? Wavova vo: Kadi “nkulumukini kun’ezulu.”—Yoane 6:38.
Mwan’a Nzambi Yave ovwidi wana ayingi beyikilwanga vo mbasi. Kansi, Yesu waswaswana kikilu. Yandi kibeni wakiyikila vo “Mwan’amosi a Nzambi.” (Yoane 3:18) E mvovo miami misonganga vo Yesu i mwana amosi kaka ona Nzambi kavanga yandi kibeni. Nzambi wasadila Mwan’andi amosi mu sema lekwa yawonso yakaka.—Kolosai 1:16.
“Mwan’a muntu” Yesu nkumbu miayingi kasadila e mvovo wau mu yika yandi kibeni. (Matai 8:20) Wasonga vo kakala ko nze mbasi wavwata e nitu a muntu. Kansi muntu kikilu kakala. Muna mwand’andi avelela, Nzambi wafila Mwan’andi ova ntoto muna fila moyo andi muna vumu kia mwenze Maria. Muna kuma kiaki, Yesu walunga kawutuka, kasambukila esumu dia wantu ko.—Matai 1:18; Luka 1:35; Yoane 8:46.
Masia wasilwa o nsilu O nkento a Nsamaria wavovesa Yesu vo: “Nzeye wo vo o Masia okwiza.” Yesu wamvovesa vo: “I mono yuyu mvova yaku.” (Yoane 4:25, 26) E mvovo “Masia” ye “Kristu” nsasa mosi kwandi mina, i sia vo “Kusua.” Yesu wakusua yovo solwa kwa Nzambi mu sala salu kiamfunu muna ndungan’a nsilu mia Nzambi.
Salu kiandi kiantete kayizila Lumbu kimosi Yesu wavova vo: Mfwete “kwend’asamwin’e nsangu zambote za kintinu kia Nzambi: e kuma i ntuminu diodio.” (Luka 4:43) Kana una vo mambu mayingi mambote kavanga muna sadisa awana bakala mu mpasi, samuna nsangu za Kintinu kia Nzambi i salu kasia va fulu kiantete muna zingu kiandi. Muna malongi malende tuzaya dina kalonga mu kuma kia Kintinu.
Kieleka, Yesu waswaswana kakala ye wantu. * Nze una tumona, e zingu kakala kiau kun’ezulu, kiakudikila nsasa muna mvovo miandi kavova ova ntoto. Ka tufwete sivika ko ekuma nsangu kasamuna zinina o mfunu muna zingu kia mazunda ye mazunda ma wantu mu nz’amvimba.
[Mvovo Vana Yand’a lukaya]
^ tini. 9 Muna zaya diaka maka mambu mu kuma kia Yesu ye fulu kiandi mun’ekani dia Nzambi, tala e kapu kia 4, muna nkanda O Nkand’a Nzambi Adieyi Kieleka Kelonganga? wavaikiswa kwa Mbangi za Yave.