Nkand’a Yakobo 4:1-17
4 Akweyi kutukanga e vita ye nkindu vovo nuina? Nga ke mu zolela yeno ya nitu ko mutukanga nkindu ye vita zinuananga omu yeno e?*+
2 Nuna ye tima, kansi yeno ke nubaki lekwa. Nuvondanga yo lokokela, kansi yeno ke nubaki lekwa. Nunuananga e vita ye nkindu.+ Wau nulembele lomba, ke nutambula ko.
3 Vava nulombele, ke nutambwidi ko, kadi muna kani diambi nulombele, kimana nuasadila kina nulombele muna zolela yeno ya nitu.
4 E minta-zumba,* nga ke nuzeye wo ko vo, e kikundi ye nza i kitantu yo Nzambi e? I dianu vo, konso ndiona ozolele kala nkundi a nza uyikitwidi se mbeni a Nzambi.+
5 Yovo, nubenze vo e sono mpavala kivovele vo: “O mwand’a kimpala wina omu yeto ukutufilanga mu lokokela lekwa yawonso e”?+
6 Kansi e nsambu zina kevananga zisundidi. I dianu e sono kivovele vo: “Nzambi osidi akwa lulendo kitantu,+ vo i alembami ubavene nsambu.”+
7 Muna kuma kiaki, nusakalela Nzambi;+ vo i Nkadi ampemba nunsia kitantu,+ okunutina.+
8 Nufinama Nzambi, oyandi mpe okunufinama.+ Nuvelelesa moko meno yeno asumuki,+ nuvelelesa ntima mieno+ yeno akwa lukatikisu.
9 Numona nkenda, numona ntantu yo dila.+ O tusevo tweno yambula twakituka se ntantu, e kiese kieno se lukendalalu.
10 Nuyikulula vana ndose a Yave,*+ oyandi okunutundidika.+
11 Ampangi, nuyambula kumba muntu yo nkwandi.+ Konso ndiona okumbanga mpangi yovo fundisa mpangi andi, okumbidi o nsiku yo fundisa nsiku. Avo ofundisi nsiku, ku nlundi a nsiku ko, kansi u mfundisi.
12 Mosi kaka i Munsia-nsiku ye Mfundisi,+ ndiona olenda vuluza yo fwasa.+ Kansi ongeye u nani wafundisa o nkwaku?+
13 Nuwá, oyeno nuvovele vo: “O unu yovo mbazi ku mbanza kingandi tukwenda, i kûna tukala mvu amvimba, tuvanga kinkita yo baka nluta,”+
14 kana una vo ke nuzeye wo ko una ukala e zingu kieno o mbazi.+ Kadi nu mbungezi ina imonekene mu kolo kiandwelo, i bosi ivempokele kwandi.+
15 Kansi nuvova vo: “Avo Yave* ozolele wo,+ zinga tuzinga yo vanga oma yovo mana.”
16 Kansi owau, nuyisanini muna mambu ma yeno kibeni. O lusanu lwalu lwawonso lwambi.
17 Dianu vo, avo muntu ozeye vanga edi diambote, kansi kavangidi dio ko, sumu kwa yandi.+
