Zakariya 5:1-11
5 Nsengwele diaka meso, mbwene nkanda utilumukanga.
2 Ungiuvuidi vo: “Nki omwene?”
Mvutwidi vo: “Nkanda uvevomokanga mbwene, o lambuka kwandi yinkoso 20,* o sanzuka kwandi yinkonso 10.”
3 I bosi umpovese vo: “Ekiaki i sibu kivaikidi muna nza yawonso, kadi konso ona oyiyanga,+ wauna wasonama kuna ndambu mosi a nkanda, ke tumbwanga ko; konso ona odianga ndofi ya luvunu,+ wauna wasonama kuna ndambu yankaka ya nkanda, ke tumbwanga ko.
4 ‘Mono ntumini kio,’ u kavovele o Yave a vu, ‘kimana kiakota muna nzo a mwivi ye muna nzo a ndiona odidi ndofi a luvunu muna nkumbu ame; kikala muna nzo yo fukisa yo kumosi ye mabaya mandi ye matadi mandi.’”
5 I bosi mbasi ona wamokenanga yame ovaikidi, umpovese vo: “Dodokolo, sengola meso, watala eki kivaikidi.”
6 Inyuvuidi vo: “Nki kiaki?”
Ovutwidi vo: “Eyayi i efa* ivaikidi.” Ovovele diaka vo: “Eyayi i mpw’au muna nza yawonso.”*
7 Mbwene vo e fukwa kia nsongo kia vindumuka kiaziulwa, muna kitunga mukedi yo nkento wavuanda.
8 O mbasi ovovele vo: “Ndioyo i Mbi.” Unungwini diaka muna kati kwa efa, i bosi onietekene e zitu dia nsongo vana nu’a kitunga.
9 I bosi nsengwele meso, mbwene akento wole bekwiza tilumukanga muna tembwa. Bena yo mave nze ma nuni a yanga. Bazangwidi e kitunga vana kati kwa zulu ye ntoto.
10 Ngiuvuidi mbasi ona wamokenanga yame, oku vo: “Akweyi benatanga kitunga kiaki?”
11 Ovutwidi vo: “Kuna nsi ya Sina,*+ i kûna bekuntungila e nzo; vava nzo imana tungwa, osiwa mûna, i fulu kafwanukini.”
Mvovo vana yand'a lukaya
^ Mvovo wa sina: “efa,” ovava i kitunga yovo mbangu yazongelwanga mbongo. E efa mosi, litro 22. Tala Nku. B14.
^ Yovo “nsi yayi.”
^ I sia vo, Babele.
