O mu mvu wa 2024 nsola zayingi zivangama za afidi a nsi mu nza yawonso. Kansi o wantu kebebundanga diaka e vuvu ko muna ayadi.

•   Ayingi muna esi América bayuvuilu, bavovele vo e kani beyadilanga ayadi i loko diau ke mu lungisa e nsatu za nkangu ko. a—Pew Research Center, 19 Setemba, 2023.

 Matoko mayingi mpe kebebundanga diaka e vuvu ko muna ayadi.

•   “Divavanga vo aleke balemvokelanga ayadi, kansi bevovanga vo o yau kebelungisanga e nsatu zau ko.”—The New York Times, 29 Yanuali, 2024.

•   “O lufimpu lwavangamene, lwasongele vo e matoko belutanga bunda e vuvu muna muna nsangu za YouTube ke mu mana ayadi bevovanga ko.”—The Korea Times, 22 Yanuali 2024.

 Nga tulenda kala ye vuvu vo ayadi betomesa o mambu kuna ntwala? Nani tufwete bunda e vuvu?

 Ediadi diambote kwa wantu mu keba muna ndiona bebunda e vuvu. E Bibila kivovanga vo “o muntu wakondwa ngangu okwikilanga konso diambu, kansi nlungaladi otoma kebanga konso lutambi.”—Ngana 14:15.

•   Muna kusadisa mu zaya e nsangu za ludi ye za luvunu, tanga e longi “Como se proteger de informações falsas.”

 Katula ediadi, kana nkutu ayadi ana bemonekenanga vo akwa ziku, kansi kebelendanga lungisa ko mana bekananga o vanga. E kiaki i kuma e Bibila kikutulukisilanga vo:

•   “Kubundi vuvu ko kwa mfidi a muntu; kadi o muntu kalendi kuvuluza ko.”—Nkunga 146:3, Nsekola ya Nsangu Zampa.

 E Bibila kisasilanga vo o Nzambi watumbika o mfidi wafwana ye ona tulenda bunda e vuvu: Yesu Kristu. (Luka 1:32, 33) Yesu i Ntinu a Kintinu kia Nzambi, e Kintinu kina kiyalanga tuka kuna zulu.—Matai 6:10.

•   Muna zaya e kuma tufwete bundila e vuvu muna Yesu ye una kefokolwela e mpasi tunuananga zau, tanga e malongi “Nani i Ntinu a Kintinu kia Nzambi?” ye “E Kintinu kia Nzambi Nkia Mambu Kilungisa?”