Tukau twa mvevo Mbangi za Yave bevananga, i twau tusadilwanga e salu kieto omu nza yawonso. a Katula e nkela za tukau zikalanga muna fulu yeto yawonso ya nsambila, e mpila zankaka za vanina tukau zina muna nzil’eto ya internete Donate.mt1130.com. Muna nzila yayi, o muntu olenda vana nkayilu mu kuma kia salu kieto kia nz’amvimba, nkayilu mu kuma kia nsatu za nkutakani yovo mu kuma kia mambu mau mole.

 E Mbangi za Yave ke bevananga tini kia kumi ko, ke bevananga mpe ntalu yasikididi ko ngatu kunku kiasikididi kia mfutu au kuna salu. (2 Korinto 9:7) Ke tulombanga nkubidi-nkubidi ko, ke tulombanga mpe nzimbu ko muna kota muna tukutakanu tweto. Akuluntu eto ke betambulanga mfutu ko muna fila e longi dia luvubu, longi dia luziku, longi dia lukazalu yovo salu yankaka ya nsambila. Ke tukubikanga fulu ya tekela ko muna kombola e nzimbu, ngatu kubika nsaka za bingo, nkinzi, malambu, nsaka za rifa yovo lomba nzimbu muna nkubika zankaka. E nkumbu za wantu bevananga e nkayilu ke zizayiswanga ko kwa nkangu. (Matai 6:2-4) Muna nzila zeto za internete ye muna nkanda mieto, ke musiwanga tuzayisu twa yinkita ko.

 Konso ngonde, e nkutakani zawonso za Mbangi za Yave zivananga luzayisu lwa mbalu a nzimbu za nkayilu muna tukutakanu twau, muna tukutakanu twatu mukalanga yo wantu bena vo ke Mbangi za Yave ko. E nkanda miawonso mia nzimbu mia konso nkutakani, mifimpululwanga (yovo vangwa e auditoria) ntangwa ke ntangwa muna kala ye ziku vo e nzimbu za nkayilu mu mpila yambote zina sadilwa.—2 Korinto 8:20, 21.

•   Nkela za tukau: Olenda kobola e nzimbu yovo cheque muna nkela za tukau muna Maseka ma Kintinu, Maseka ma Tukutakanu Twampwena yovo muna fulu yankaka ivangamenanga tukutakanu tweto.

•   Muna nzil’eto ya internete: Muna nsi zayingi, olenda sadila “Nzil’a Internete ya Mbangi za Yave muna vana tukau,” kiakala muna cartão multicaixa, vanga transferência muna Iban yovo muna mpila zankaka. b Akaka muna Mbangi za Yave ‘belundanga e lekwa’ kina bevana se nkayilu konso ngonde ye besadilanga e ndekwa zazi ziyikilu.—1 Korinto 16:2.

•   Nkayilu mia teka kubika mu kolo kiandá: E nkayilu miankaka mivavanga vo miateka kubikwa mu kolo kiandá yovo miateka wizaneswa ye nsiku mia luyalu (i sia vo, miavangwa assessoria jurídica). O kubika mambu mu mpila yayi dilenda sadisa o muntu mu toma sadila e nluta ketambulanga muna nsi andi muna diambu ditadidi mpaku (yovo benefícios fiscais). Ayingi babaka nluta muna toma vava zaya e mpila nkayilu balenda vana ekolo bena o moyo ye mina milenda vewa vava befwa. Dodokolo, mokena ye mpangi zeto kuna vula dia Mbangi za Yave dia nsi aku muna zaya una olenda vanina e nkayilu mitadidi:

  •   contas bancárias

  •   seguro ye planos de previdência privada

  •   nzo ye lupangu

  •   ações ye títulos

  •   testamentos ye fideicomisso

 Muna zaya e mpila zaswaswana za vanina e nkayilu zisadilwanga mu zunga kiaku, ziula e nzila eyi ya intenete: “Vana Lukau mu Kuma Kia Mbangi za Yave.”