Забур 56:1—13
Жетекчиге. «Алыстагы үндөбөгөн көгүчкөн» деген обондун коштоосунда ырдалат. Дөөтүнүн ыры. Миктам. Аны Гаттан пелиштиликтер кармап алган убакта жазылган.+
56 Оо, Кудай, ырайым кыла көр, анткени ажалдуу пенде мага кол* салып жатат,Эртеден кечке мени менен салгылашып, кысым көрсөтүп жатат.
2 Душмандарым күнү бою мага тишин салып жатышат,Көптөр менменсинип каршы чыгып жатышат.
3 Коркунуч басканда,+ мен сага таянам.+
4 Мен Кудайга таянам,Берген убадасы үчүн өзүм даңктаган Кудайга таянам,Эч нерседен коркпойм.
Көр пенде мага эмне кыла алат?+
5 Алар мага күн сайын бут тосушат,Жамандык кылууну гана ойлоп турушат.+
6 Кол салыш үчүн жашырынып жатышат,Жанымды алууну көздөп,+Ар бир кадамымды аңдышат.+
7 Оо, Кудай, кыянаттыгы үчүн аларга тиешесин бер,Каарың менен элдерди жок кыл.+
8 Менин качкын болуп жүргөндөгү ар бир кадамымды жакшы билесиң.+
Ошон үчүн бүт көз жашымды чаначыңа сактап кой.+
Анын баары китебиңе жазылган эмеспи?+
9 Сени жардамга чакырган күнү душмандарым артка чегинет.+
Кудай мен тарапта, мындан эч шектенбейм.+
10 Берген убадасы үчүн өзүм даңктаган Кудайга таянам,Берген убадасы үчүн өзүм даңктаган Жахабага таянам.
11 Мен Кудайга таянам, эч нерседен коркпойм.+
Көр пенде мага эмне кыла алат?+
12 Оо, Кудай, сага берген анттарымды аткарам,+Ыраазычылыгымды сага тартуу кылам.+
13 Анткени, Кудайым, сенин алдыңда тирүүлөрдүн арасында жүрүшүм үчүн,+Жанымды өлүмдөн куткардың,+Бутумду мүдүрүлүүдөн сактадың.+
Шилтемелер
^ Же: «тишин».
