Микей 5:1—15
5 «Оо, курчоого алынган шаардын тургундары,Эми минтип денеңерди кескилеп жатасыңар.
Бизди душман курчап алды.+
Алар Ысрайылдын сотун таяк менен жаакка чаап жатышат.+
2 „Оо, Бетлехем Эфрата,+Жүйүттөгү эң кичинекей шаарлардын* бири болсоң да,Сенден Ысрайылда менин эркимди аткара турган башкаруучу,Эзелки күндөрдө, байыркы заманда жаралган бирөө чыгат“.+
3 Ошондуктан толгоо тартып жаткан аял* төрөгөнгө чейин,Кудай аларды таштап кетет.
Башкаруучунун чачырап кеткен бир туугандарынын калганы ысрайыл элине кайтып келет.
4 Ал ордунан туруп, оторду Жахабанын күчү менен,+Ысмы улук Жахаба Кудайынын жардамы менен кайтарат.
Ошондо алар коопсуз жашайт,+Анткени ал башкаруучунун улуулугу жердин учу-кыйырына чейин таанылат.+
5 Ал тынчтык алып келет.+
Ашурлук биздин жерге келип, чептүү мунараларыбызды талкалай* турган болсо,+Ага каршы жети койчуну, адамдардын арасынан атүгүл сегиз төрөнү* тургузабыз.
6 Алар Ашур жерин кылыч менен жазалайт*,Нимроттун+ жеринин чек араларына чейин барышат.+
Жерибизге ашурлук келип, тебелей баштаганда,Башкаруучубуз бизди куткарат.+
7 Жакыптын урпактарынын калдыгы көптөгөн элдердин арасындаЖахаба берген шүүдүрүмдөй,Адам бийлик кыла албаган, адам баласын күтпөй эле жаай берген нөшөрдөй,Чөптү сугарган нөшөрдөй болот.
8 Жакыптын урпактарынын калдыгы элдердин арасында,Көптөгөн элдердин арасындаТокойдогу жырткычтардын арасындагы арстандай болот,Отордун арасына кирип,Койлорго кол салып, жара тарткан жаш арстандай* болот;Аларды эч ким куткарбайт.
9 Сен* душмандарыңды жеңесиң,Сага кас болгондордун баары кырылып жок болот».
10 «Ошол күнү,— дейт Жахаба,—
Мен аттарыңды жок кылам, арабаларыңды талкалайм.
11 Жериңдеги шаарларды ойрон кылам,Чептериңдин баарын уратам.
12 Көз байлоочулугуңду токтотом,Араңарда сыйкырчылык кылгандардын бири да калбайт.+
13 Оюлуп жасалган буркандарыңды, ыйык көргөн устундарыңды жок кылам.
Ошондон кийин колуңан бүткөн нерселерге таазим кылбай каласың.+
14 Ыйык туткан мамыларыңды* кулатам,+Шаарларыңды жер менен жексен кылам.
15 Мага баш ийбеген элдерденАчуум менен, кайнаган каарым менен өч алам».
Шилтемелер
^ Же: «уруктардын; үй-бүлөлөрдүн».
^ Сыягы, Сион жөнүндө айтылып жатат.
^ Сөзмө-сөз: «тебелей».
^ Же: «жетекчини».
^ Сөзмө-сөз: «кайтарат».
^ Же: «жалы бар жаш арстандай».
^ Сыягы, Жакыптын урпактарынын калдыгы.
