Накыл сөздөр 27:1—27
27 Эртеңки күн менен мактанба,Анткени эртең эмне болорун билбейсиң.+
2 Сени өз оозуң эмес, башка бирөө,Өз тилиң эмес, өзгөлөр* мактасын.+
3 Таш оор, кум салмактуу,Бирок акылсыздын кыжырга тийгени экөөнөн тең оор.+
4 Каар катаал, жаал ташкын суудай,Бирок кызганыч булардан да жаман.+
5 Жашыруун сүйгөнгө караганда ачык ашкерелеген жакшы.+
6 Берилген достун жаралаганы+Душмандын көп жолу* өпкөнүнөн артык.
7 Карды ток киши тартылбаган таза балды тебелейт,Ал эми ачка кишиге ачуу нерсе да таттуу сезилет.
8 Жашаган жайын калтырып кеткен кишиУясын таштап кеткен канаттуудай.
9 Май менен жыпарзат жүрөктү кубантат,Чын дилден кеңеш берген дос да ошондой.+
10 Өз досуңду да, атаңдын досун да таштаба,Башыңа мүшкүл түшкөн күнү бир тууганыңдын үйүнө кирбе;Алыстагы бир туугандан жаныңдагы кошунаң артык.+
11 Уулум, акылдуу болуп, жүрөгүмдү кубант,+Ошондо мени жаманатты кылганга жооп бере алам.+
12 Кыраакы киши коркунучту көрүп жашынат,+Ал эми тажрыйбасыздар түз эле кете берип, кесепетин тартат*.
13 Башка бирөө үчүн кепилдикке өткөндүн кийимин алып кал,Эгер ал бөтөн жерлик аял* үчүн кепилдикке өтсө, күрөөгө бир нерсе алып кал.+
14 Ким бирөөнү таң заардан үнүн бийик чыгарып алкаса,Аны каргап жаткандай сезилет.
15 Урушчаак* аял жаан жааган күнү тынбай тамчы тамган чатырга окшош.+
16 Андай аялды тыя алган киши шамалды да тыя алат,Суюк майды да оң колдоп уучтай алат.
17 Темирди темир курчуткандай,Адам да досун курчутат.+
18 Анжирди карап-өстүргөн анын мөмөсүнөн жейт,+Мырзасына кам көргөн урмат-сыйга татыйт.+
19 Суу адамдын жүзүн чагылдыргандай,Бирөөнүн жүрөгү башка бирөөнүн жүрөгүн чагылдырат.
20 Көр* менен сөөктөр чирий турган жай* такыр тойбойт,+Адамдын көзү да эч качан тойбойт.
21 Күмүш менен алтын казанда эритилип-тазаланат,+Ал эми адам макталганда сыналат.
22 Данды сокуга салып жанчкандай,Акылсызды сокбилек менен соксоң да,Андан акылсыздыгы ажырабайт.
23 Оторуңду жакшы бил,Койлоруңду жакшы* бак.+
24 Анткени байлык түбөлүктүү эмес,+Таажы да муундан муунга өтпөйт.
25 Көк чөп жок болуп, жаңы чөп чыгат,Анан тоонун чөбү жыйналат.
26 Козу кочкорлоруң кийимге,Текелериң жер сатып алганга жарайт.
27 Эчкинин сүтү өзүңдүн тамак-ашыңа,Үйүңдөгүлөр менен күңдөрүңдүн да тамагына жетет.
Шилтемелер
^ Сөзмө-сөз: «бөтөн жерлик».
^ Же балким: «эки жүздүүлөнүп; аргасыздан».
^ Же: «жазаланат».
^ Же: «бөтөн жерлик үчүн».
^ Же: «Наалый берген».
^ Же: «бүт дитиңди коюп».
