Накыл сөздөр 6:1—35
6 Уулум, эгер бирөө үчүн кепилдикке өтүп,+Чоочун бирөө менен кол алышып убадалашып койсоң,+
2 Сөз берип торго түшсөң,Сөзүңдөн кармалсаң,+
3 Анда, уулум, анын колуна түшүп калгандыктан,Кутулушуң үчүн мындай кыл:
Ага тезинен баргын да, ырайым кылышын сурап жалынып-жалбар.+
4 Ошентмейинче уктаба,Кирпик какпа.
5 Мергенчиден качкан жейрендей,Аңчыдан качкан куштай качып кутул.
6 Жалкоо,+ кумурскага барып,Анын кантип иштеп жатканына байкоо салып, акылмандыкка үйрөн.
7 Анын башчысы, жетекчиси же башкаруучусу жок болсо да,
8 Тамагын жайында камдайт,+Азыгын оруп-жыюу маалында чогултуп алат.
9 Жалкоо, качанга чейин жата бересиң?
Качан ойгоносуң?
10 Дагы бир аз уктай турсаң, дагы кичине үргүлөй түшсөң,Колуңду көкүрөгүңө алып жата турсаң,+
11 Жакырчылык каракчыдай,Жокчулук куралчан кишидей болуп кирип келет.+
12 Кара өзгөй, ыймансыз киши жалган айтып басып жүрөт,+
13 Алдаш үчүн көзүн ымдап,+ буту менен белги берип, колу* менен ишарат кылат.
14 Анын жүрөгү бузулган,Ал ар убак жамандык ойлойт,+ уруш-талаш чыгарат.+
15 Ошондуктан капысынан кырсыкка кабылат,Көз ачып-жумгуча ойрон болот, кайра турбайт.+
16 Жахаба алты нерсени жек көрөт,Ал үчүн бул жети нерсе жийиркеничтүү:
17 Менменсине караган көздөр,+ жалган сүйлөгөн тил,+ жазыксыз кишинин канын төккөн кол,+
18 Кыянаттык ойлогон жүрөк,+ жамандык кылганга тез чуркаган бут,
19 Дайыма жалган сүйлөгөн күбө+ жана бир туугандардын ортосуна от жаккан киши.+
20 Уулум, атаңдын осуятын аткар,Энеңдин берген таалимин* четке какпа.+
21 Аларды дайыма жүрөгүңө түйүп жүр,Мойнуңа тагып ал.
22 Ошондо алар, кайсы жакка барба, сени жетектейт,Уктап жатканыңда кайтарат,Ойгоо жүргөнүңдө акылмандыкка үйрөтөт.
23 Анткени осуят — шам чырак,+Мыйзам* — жарык,+Ашкерелеп оңдоп-түзөө — өмүргө алып барчу жол.+
24 Алар сени жаман аялдан,+Аягы суюк* аялдын бал тилинен сактайт.+
25 Анын сулуулугун жүрөгүң каалабасын,+Ал сени жалжылдаган көздөрү менен арбап албасын,
26 Анткени сойку аялдын айынан бир кесим нан менен эле отуруп каласың,+Ал эми башка бирөөнүн аялынын айынан баа жеткис өмүрүңөн айрыласың.
27 Кийимин күйгүзбөй, ким койнуна чок сала алат?+
28 Бутун күйгүзбөй, ким чоктун үстүнөн баса алат?
29 Бирөөнүн аялы менен жаткан киши да ошондой болот,Андай аялга жологон бир да киши жазасыз калбайт.+
30 Ачка киши курсагын тойгузуш үчүн уурулукка барса,Аны жек көрүшпөйт.
31 Бирок кармалганда уурдаганын жети эселеп төлөйт,Үйүндөгү баалуу нерселеринин баарын берет.+
32 Ал эми бирөөнүн аялы менен жаткандын акылы жок*.
Андай ишке барган киши өз жашоосун талкалайт.+
33 Өз башына балээ үйөт, уятка калат,+Маскара болгону эч унутулбайт.+
34 Анткени кызганычтан күйөөсүнүн каары кайнайт,Ал өч алганда эч аябайт,+
35 Канча акча берсең да*, албайт,Кандай чоң белек берсең да, каары кайтпайт.
Шилтемелер
^ Сөзмө-сөз: «манжалары».
^ Же: «үйрөткөн мыйзамын».
^ Же: «Кудайдын мыйзамы».
^ Сөзмө-сөз: «Бөтөн жерлик». Сыягы, Кудайдын адеп-ахлак нормаларынан алыс болгон аял жөнүндө сөз жүрүп жатат.
^ Сөзмө-сөз: «жүрөгү кем».
^ Же: «Эч кандай кун».
