Ыйык Китепти жазууга катышкан Лука деген киши Иса пайгамбардын жашоосу тууралуу «бардыгын башынан баштап кылдат изилдеп чыккандан кийин» жазгандыгын айткан (Лука 1:3).

 Айрымдар Иса пайгамбардын замандаштарынын: Матай, Марк, Лука жана Жакандын Иса пайгамбардын жашоосу тууралуу жазгандары б. з. 4-кылымында өзгөртүлүп, бурмаланып калган деп эсептешет.

 Анткен менен 20-кылымдын башында Египетте Жакандын Инжилинин үзүндүсү жазылган кол жазма табылган. Ал азыр Райлендс папирусу 457 (P⁵²) деп белгилүү жана Манчестерде (Англия) Жон Райлендстин китепканасында сакталууда. Анда жазылгандар бүгүнкү күндөгү Ыйык Китептин Жакан 18:31—33, 37, 38-аяттарында жазылгандарга дал келет.

 Ал Грек Жазмаларынын үзүндүсү жазылган кол жазмалардын эң байыркысы болуп эсептелет. Көптөгөн окумуштуулар аны болжол менен б. з. 125-жылы, тактап айтканда, түп нускасы жазылып бүткөндөн 25 эле жыл өткөндөн кийин жазылган деп эсептешет. Ал үзүндү андан кийинчерээк жазылган көчүрмөлөргө дээрлик бардык жагынан төп келет.