BÊNO NA MESO MA TIA!
2022: Muvu wa nzingula—Bibila bwe ditâka?
Mu 2022, mizingu, misamu mia mbaya, na katastrofe tabêle vulu wâka mu nsangu. Bibila kwa dilendi bangula nkatika nsasa ya misamu mio.
Nkatika nsasa ya misamu mia 2022
Misamu mia muvu wayôkele mivutulu tomo songela ti mu ntangu twena yi batâka mu Bibila “bilumbu bia mansukina.” (2 Timote 3:1) Ntangu yo mu muvu wa 1914 yabatika. Tala bwe misamu mia bwawu bu midelakane na misamu mi babikula mu Bibila mu bungu dia ntangu ya beto:
“Mizingu.”—Matie 24:6.
“2022 muvu wa mpasi wabêle, na mvutukulu ya muzingu ku Europe.” a
Tala mutu-diambu wa “Russie yikotelele Ukraine.”
“Kondo kwa bidia.”—Matie 24:7.
“2022: Muvu wa nsatu ya nzitukulu.” b
Tala mutu-diambu wa “Muzingu wa ku Ukraine wutulumuni nsatu mu nza.”
“Bimbevo.”—Like 21:11.
“Polio yita vutu kâla, grippe du singe yita naka mu ntinu na coronavirus yita tatamana mu nimba bantu, biatomono songela bunene bwa bimbevo bisambukilaka na mpasi zilendi bwabana na bantu.” c
Tala mutu-diambu wa “Milio 6 za bantu bafwiri mu coronavirus.”
“Misamu mia nzitukulu.”—Like 21:11.
“Yaninga, bisihu, tiya twa masangi, na niamba. Été 2022 mbo yibâ wumosi wa misamu mia climat miyôkele mpasi mia ntangu zazansoni, mu bungu ti miatulumuni mfukulu, lufwa lwa bantu ba nkatika babingi, mpe milio za bantu mu nza bahomese nzo zawu.” d
Tala mutu-diambu wa “Yaninga ditomono naka mu nza.”
“Vwandi.”—Like 21:9.
“Mu bungu ti bantu mu nkesi bêna mu bungu dia misamu mia mbaya, bima bianeki ntalu, bwawu batelamane guvernema zawu mu 2022.” e
Tala mutu-diambu wa “Ntalu ya bima yitomono naka mu nza.”
Ngano muvu wuta kwiza nti wunatina bantu?
Ka kwena muntu ko wulendi tâ na lukwikulu misamu miyôka mu 2023. Kâ tuzebi ti ntamana, Timfumu tia Nzambi, peleko guvernema ya ku zulu, mbo yiyirika misamu ha mutoto. (Daniele 2:44) Guvernema yo mbo yikatula misamu mitulumunaka mpasi, mpe mbo yilungisa luzolo lwa Nzambi ha mutoto.—Matie 6:9, 10.
Tukulombele mu landa malongi ma Yezu Kristo mpe “wabâ na meso ma tia” mu mpila yita lunganana mbikululu za Bibila. (Marke 13:37) Buna tu monekena mu tomo longoka bwe Bibila dilendi ku bakisila bwawu bu, mpe bwe dilendi lu hanina, nge na kanda diaku, nkatika tivuvu tia bilumbu bita kwiza.
a AP News, “2022 muvu wa mpasi wabêle muvu wakâriri muzingu ku Europe,” Jill Lawless, 8 décembre 2022.
b Programme alimentaire mondial, “Nsatu ya nza yayansoni.”
c JAMA Health Forum, “Zinga mu ntangu ya bimbevo bia nza—Tûka coronavirus tii grippe du singe, Polio, na timbevo tia X,” Lawrence O. Gostin, JD, 22 septembre 2022.
d Earth.Org, “Ntie bie ku manima ma misamu mia climat mia été 2022?” Martina Igini, 24 octobre 2022.
e Carnegie Endowment for International Peace, “Nkesi za tulumuni misamu mia mbaya zatumini vwandi mu nza mu 2022,” Thomas Carothers na Benjamin Feldman, 8 décembre 2022.
Dzukula mpe...
BIYUVU BITARIRI BIBILA
Ngano tidimbu tia “bilumbu bia mansukina,” peleko “ntangu za mansukina” ni nti”?
Bibila diazonzela bima biabingi biaketi bâ tidimbu tia bilumbu bia mansukina.
ESSENTIAL BIBLE TEACHINGS
Ngano Timfumu tia Nzambi ni nti?
Yezu bu kabâ ha mutoto, wavulu zonzela Timfumu tia Nzambi. Tuka ntama bilandi biandi bisambila ngatu Timfumu tio tiza.
BETO NI BANANI?
Lomba vizite
Zonzela tiyuvu tia Bibila na Mbangi za Yehova, peleko tomo zaba Mbangi za Yehova.
