Timvuka titwarisaka mwa tikunku tiena tia Bakristo ba yêla bahanaka lutwalusu kwe Mbangi za Yehova za mu nza. Tisalu tiawu mu mpila zole tiena:

•   Bawu mpila ya kubikila ndongosolo bakipaka yi bahanaka mu mikanda, ku tukutakanu na ku tukolo twa Mbangi za Yehova.—Like 12:42.

•   Tisalu tia Mbangi za Yehova za mu nza yayansoni bakipaka, bu batwarisaka tisalu tia samuna na mbongo za makabu.

 Mu mbandu ya ntete “bantumwa na bakuluntu ba ku Yerusaleme” beri bongaka nzengolo za mfunu mu bungu dia Bakristo. (Bisalu 15:2) Timvuka titwarisaka mpe ni bo tisarilaka. Ntiana babakala bo ba kwikama ba mu ntama, mpangi za Timvuka titwrisaka ka zena mfumu za Organizasio’eto ko. Bawu mu Bibila basikamanaka mu baka lutwalusu, mpe bazebi ti Yehova wasola Yezu Kristo mu bâ Mfumu ya Timvuka.—1 Bisi-Korente 11:3; Bisi-Efeze 5:23.

 Mpangi za Timvuka titwarisaka ni Kenneth Cook, Jr., Gage Fleegle, Samuel Herd, Geoffrey Jackson, Stephen Lett, Gerrit Lösch, Mark Sanderson, David Splane, na Jeffrey Winder. Bawu ku Biro ya Yinene basarilaka, ku Warwick, ku tizunga tia New York, ku États-Unis.

 Timvuka titwarisaka tiayirika komite sambanu mu kipaka bisalu bia mpila na mpila bia Mbangi za Yehova. Muna mpangi ya Timvuka titwarisaka mu komite yimosi kena peleko zazingi.

•   Komite ya bantwarisi: Misamu mitariri misiku yikipaka na misamu miamiansoni mia mpasi mitûrilaka Mbangi za Yehova, ntiana katastrofe, nkwamusu mu bungu dia nkwikulu zawu, na miakaka.

•   Komite ya bisari: Misamu yikipaka mi bakubika mu bungu dia mpangi za kanda dia Betele za mu nza.

•   Komite ya bidukisi: Ndiyilukulu yikipaka na mpila ya tambikila mikanda mitariri Bibila; ntungulu ya mbuka za nsambululu, biro za mbangululu, na filiale mpe yikipaka.

•   Komite ya tisalu: Tisalu tia samuna “nsangu za mbote za Timfmu” yikipaka.—Matie 24:14.

•   Komite ya ndongosolo: Ndongosolo yikipaka yi bahanaka ku tukutakanu, ku tukolo na mu programe za audio na za video.

•   Komite ya bitsoniki: Ndongosolo yikubikaka yi bahanaka mu mikanda peleko mu site ya Mbangi za Yehova. Tisalu tia mbangululu mpe yitwarisaka.

 Ha zulu tisalu tiawu mu muna komite, mpangi za Timvuka titwarisaka tumingu twatwansoni zikutakanaka mu taluzula nsatu za Organizasio ya Mbangi za Yehova. Ku tukutakanu twango, Timvuka titwarisaka misamu mia Bibila titaluzulaka, mpe lutwalusu lwa mpeve santu tidingaka bu bayêlaka mu bonga nzengolo mu tintwari.—Bisalu 15:25.

 Bakristo bêna ba balendi sikirila, babakisaka Timvuka titwarisaka mu muna komite. (1 Bisi-Korente 4:2) Bawu, lenda die nawu na luzabu mu bisalu bia komite yi basalaka. Ku lukutakanu lwa komite zawu bababâka tumingu twatwansoni. Ni bu sa ti ka babongaka nzengolo ko, malongi bahanaka na nsangu za mfunu. Mpe, nzengolo za komite basarilaka mpe ndandu zimonekaka bataluzulaka na mpila yikwendelaka tisalu. Timvuka titwarisaka tilendi ba tambika mu kwe tala Mbangi za Yehova mu mbuka za mpila na mpila mu nza na mu bâ ku mikembo ntiana tukutakanu twa muvu na tukutakanu twa diplome za Lukolo lwa Galade.