Bi 4 ddo 1-ddo 7
ZABURI 23-25
Dyi 4 ndirigoti Sala | Lo tso ngadha dhi lo (Min. 1)
1. “Yova kʉ ma ró rø ná ke”
(Min. 10)
Yova adi chutso ddá ko dho (Zb 23:1-3; w11 1/5 paje 31 §3)
Yova adi ko ronga b’o (Zb 23:4; w11 1/5 paje 31 §4)
Yova adi nyo bbʉ ko nyó (Zb 23:5; w11 1/5 paje 31 §5)
Yova adi ndidzá njí dhi ndrŭ ronga b’o miya ró rø ná ke adi chembø ronga b’o nari bbai.
ADHURI NI TSÓ, ‘Yova ká adi ma ronga b’o ngbaribbai?’
2. Kiroho nǎ Mali
(Min. 10)
-
Zb 23:3—“Chølo dhi chu” ká kʉ addu ndirigoti addu i ká ka ndi liri nzɨ ko tuni fø chu nǎ ro? (w11 15/2 paje 24 §1-3)
-
I yenga ddo kana ni zø Biblia nari nǎ ro, ká ni ba kiroho nǎ ngbá mali?
3. Biblia zødha
(Min. 4) Zb 23:1–24:10 (th-ZS somo 5)
4. Lo tso le nga nari
(Min. 3) NZÁ LE KPE RO LE LOD’RA NARI. Ndima dhó eneo nǎ lo do nji ná le dho adho kpakpa ka ndi li le ná verse. (lmd somo 2 nukta 5)
5. Ndrŭ ronga le ngʉ be nari
(Min. 4) NYUMBA KWA NYUMBA LE LOD’RA NARI. Adho ngbaribbai ma le ka le ddi longa broshua Anji Maisha hwè theinga dho! u ná le dho nari. (lmd somo 9 nukta 3)
6. Longa le ddi ndrŭ dho nari
(Min. 5) lff somo 14 nukta 4 (lmd somo 11 nukta 3)
Dyi 54
7. Ko nzɨ adi nzá nyi ko chu ná ndrŭ dhó lo rr ri
(Min. 15) Ddinga le loti nari.
Chembø churie ndima ró rø ná ke nyi chu, goti ri adi ra ke ulu. Ro, nzá nyi ri chu ná ke ri adi nyinyi. (Yoh 10:5) Føri bbai, ko adi chu rr nari kʉ jiji ko ndirigoti li djo le ka le li le thí kiroho nǎ ná ko ronga b’o ná kpa. Føri kʉ Yova ma, Yesu ma na. (Zb 23:1; Yoh 10:11) Ro, nzá nyi ko chu ndirigoti “kali dhi lo” chulu rili kodhó udha djødjø ná kpa dhó lo nzɨ ko adi rr ri.—2Pe 2:1, 3.
Mwanzo sura ya tatu tilo ya kwanza ndrŭ rrngʉe nzá nyi chuni ná ke dhó lo nari djo. Shetani nzá pongʉe ndi ká ngʉe ie ma nari ro Eva dho ri, ná føri na ke shangʉe le sha. Ledhó kau ndi ndi nji ro, ke øngʉe Yova pongʉe ná lo ma, ke ronga ngʉ cho ná lo ma na thika ø. Njedha dhi lo kʉ, Eva rrngʉe ke rr, ná føri lingʉeri le ma, ndidhó familia ma na nzani bbo.
Njʉ Shetani adi rimbu ndi liri ko nanga di rɨni rɨ Yova ma, ndidhó tengenezo ma na djo. Føri ke adi nji chelo nanga ndi pli nari ma, sese nǎ bbʉbbʉlo kʉ ná lo ma, kali ma na nanga ndi pli ndrŭ kalu ko djo nari chulu. Nzá nyi ko chu ná ke chu ko rr ró ringani ko nyinga nyi! Sese ma ni rr ri ro nari ma kʉ che dhé. Shetani ká pongʉe lo thɨ ndi sha na Eva d’e? (Mwa 3:1, 4, 5) Nde, njati rie chu ko chu ná le, jijirie ko ná le ndirigoti bblo ngaddidha na kʉ ná le di riji ndi d’ra che kʉ ná lo ko dho Yova dzá tengenezo djo ró ká ringani ko njí addu?
Aninja VIDEO Nzɨ rr “nzá nyi ni chu ná ndrŭ chu.” Ndirigoti adhuri ndrǔ tso:
Jade nji ndidzá mama na ná lo nǎ ro ká ni ba ngbá somo?
8. Biblia le jifunza kutaniko nǎ nari
(Min. 30) bt-ZS sura 8 §1-4, paje 61-62 djó kʉ ná kisanduku
