Zabbuli 4:1-8
Eri akubiriza eby’okuyimba; kugenderako ebivuga eby’enkoba. Zabbuli ya Dawudi.
4 Bwe nkukoowoola, nnyanukula, Ai Katonda wange omutuukirivu.+
Mu buyinike bwange nteeraawo obuddukiro.*
Nkwatirwa ekisa owulire okusaba kwange.
2 Mmwe abaana b’abantu, mulituusa wa okumpeebuula?
Mulituusa wa okwagala ebitaliimu nsa n’okunoonya ebitali bya mazima. (Seera)
3 Mukimanye nti Yakuwa ayisa mu ngeri ya njawulo oyo omwesigwa gy’ali;*Yakuwa ajja kuwulira bwe nnaamukoowoola.
4 Bwe musunguwala temwonoona.+
Mwogerere mu mitima gyammwe ku bitanda byammwe, era musirike. (Seera)
5 Muweeyo ssaddaaka ez’obutuukirivu,Era mwesige Yakuwa.+
6 Waliwo bangi abagamba nti: “Ani anaatulaga ebirungi?”
Ekitangaala ky’obwenyi bwo ka kitwakire, Ai Yakuwa.+
7 Omutima gwange ogujjuzza essanyuErisinga ery’abo abakungudde emmere ennyingi era abalina omwenge omusu omungi.
8 Nja kugalamira nneebake mirembe,+Kubanga, Ai Yakuwa, ggwe wekka andeetera okuba mu mirembe.+
