Okoki kozwa mapamboli ya seko
Nzambe alakaki Abrahama ete mokitani na ye moko akomemela “bikólo nyonso ya mabele” mapamboli. (Ebandeli 22:18) Mokitani yango nde nani?
Esali sikoyo mbula soki 2 000, Nzambe apesaki Yesu, oyo azali mokitani ya Abrahama, nguya ya kosala makamwisi. Makamwisi yango emonisaki ete elaka oyo Nzambe apesaki Abrahama ete akopambola bikólo, ekokokisama na nzela ya Yesu.—Bagalatia 3:14.
Makamwisi oyo Yesu asalaki, esalisaki bato bámona ete Nzambe aponi Yesu mpo na kopambola bato mpe ete na nzela na ye Nzambe akopesa bato mapamboli ya seko. Makamwisi oyo Yesu asalaki emonisaki bizaleli na ye mosusu ya malamu, na ndakisa:
Boboto: Yesu abikisaki bato ya maladi.
Mokolo moko, moto ya maba abondelaki Yesu abikisa ye. Yesu asimbaki ye mpe alobaki na ye: “Nalingi.” Na mbala moko, maba esilaki.—Marko 1:40-42.
Ezaleli ya kokaba: Yesu aleisaki bato oyo bazalaki na nzala.
Yesu azalaki kolinga te ete bato bákufa nzala. Mbala mibale, asalaki likamwisi na ndenge akomisaki ebele mwa mampa mpe mwa mbisi mpo na koleisa bankotó ya bato. (Matai 14:17-21; 15:32-38) Nsima ya kolya, bato nyonso batondaki mpe biloko ya kolya etikalaki ebele.
Motema mawa: Yesu asekwisaki bakufi.
“Mawa” etindaki Yesu asekwisa mwana mobali se moko ya mwasi oyo mobali akufá, oyo azalaki na moto mosusu te ya kosalisa ye.—Luka 7:12-15.
Talá mpe...
KONDIMA YA SOLOSOLO—EKOSALISA YO OZALA NA BOMOI YA ESENGO
Mokano ya Nzambe mpo na mabele ezali nini?
Makomami Mosantu elobi ete Nzambe “azalisaki [mabele] mpamba te, [kasi] asalaki yango mpo bato báfanda wana.” Kasi bomoi oyo bato bazali na yango lelo emonisi nde ndenge oyo alingaki ete mokili ezala?
MATEYA MPENZA YA BIBLIA
Mpo na nini Nzambe akelaki mabele?
Mabele etondi na biloko kitoko mpenza. Akabolá yango na moi na ntaka oyo ebongi mpenza, atyá na ndenge etɛngamá malamu mpe atyá yango ebalukaka na vitɛsi oyo ebongi. Mpo na nini Nzambe asalaki milende mingi ndenge wana mpo na kokela mabele kitoko oyo?
