Masese 9:1-18
9 Bwanya ya solosolo etongi ndako na yango;Esali* makonzí na yango nsambo.
2 Ebomi mpenza mosuni na yango;Esangisi vinyo na yango;Ebongisi mpe mesa na yango.
3 Etindi basaleli na yango ya basiMpo ebelela uta na bisika oyo etombwaná ya engumba ete:+
4 “Moto nyonso oyo azangi mayele, aya awa.”
Elobi na moto oyo azangi bososoli* ete:
5 “Bóya, bólya limpa na ngaiMpe bómɛla vinyo oyo nasangisi.
6 Bótika kozala bato oyo bazangi mayele mpe bokozala na bomoi;+Bótambola na nzela ya mayele.”+
7 Moto oyo azali kosembola mosɛki akozwa nsɔni,+Mpe ye oyo azali kopamela moto mabe akozwa mpasi.
8 Kopamela mosɛki te, noki ayina yo.+
Pamelá moto ya bwanya mpe akolinga yo.+
9 Pesá moto ya bwanya mateya mpe akokóma lisusu na bwanya mingi.+
Teyá moto ya sembo mpe akobakisa boyebi na ye.
10 Kobanga Yehova ezali ebandeli ya bwanya,+Mpe koyeba Oyo Aleki Mosantu,+ yango nde mayele.
11 Mpo na nzela na ngai, mikolo na yo ekozala mingi,+Mpe okozala na bomoi molai.
12 Soki okómi na bwanya, ezali mpo na bolamu na yo moko,Kasi soki ozali motyoli, yo moko okomona mpasi.
13 Mwasi ya zoba asilá nsɔni.+
Azali zobazoba mpe ayebaka ata eloko moko te.
14 Afandaka na ekɔtelo ya ndako na yeNa kiti, na bisika oyo etombwani ya engumba,+
15 Abelelaka baleki-nzela,Baoyo bazali kotambola alima na banzela na bango ete:
16 “Moto nyonso oyo azangi mayele, aya awa.”
Alobi na baoyo bazangi bososoli* ete:+
17 “Mai ya koyiba ezalaka elɛngi,Mpe bilei oyo elyami na kobombana ezalaka kitoko.”+
18 Kasi ayebi te ete baoyo bazangi makasi kati na liwa bazali kuna,Ete baoyo mwasi yango abengaka bazali na esika mozindo ya Nkunda.*+
Maloba na nse
^ To, “Ebongisi.”
^ Lil., “azali na motema te.”
^ Lil., “bazali na motema te.”
^ To, “Sheole,” elingi koloba, nkunda ya bato nyonso. Talá Ndimbola ya maloba.
