Mika 6:1-16
6 Nabondeli bino, bóyoka oyo Yehova azali koloba.
Tɛlɛmá, yebisá likambo na yo liboso ya bangomba,Mpe tiká bangomba mike eyoka mongongo na yo.+
2 Bóyoka, Ee bangomba, likambo ya Yehova,Bino miboko makasi ya mabele,+Mpo Yehova azali kosambisa bato na ye;Azali na likambo ya kosamba ná Yisraele:+
3 “Bato na ngai, nasali bino nini?
Nalɛmbisi bino na likambo nini?+
Bótatolela ngai.
4 Mpo nabimisaki yo na mokili ya Ezipito,+Nasikolaki yo na ekólo oyo ozalaki moombo;*+Natindelaki yo Moize, Arona mpe Miriame.+
5 Bato na ngai, nabondeli bino, bókanisa makambo oyo Balake mokonzi ya Moabe akanaki kosala,+Mpe eyano oyo Balaama mwana ya Beore apesaki ye,+—Makambo oyo esalemaki banda na Shitime+ tii na Gilgale+—Mpo bókoka koyeba misala ya bosembo ya Yehova.”
6 Nakoya liboso ya Yehova na eloko nini?
Nakogumbama liboso ya Nzambe ya likoló na eloko nini?
Nakoya nde liboso na ye na makabo ya kotumba ya mibimba,Na bana-ngɔmbɛ ya mbula moko?+
7 Yehova akosepela nde na bankóto ya bampate-mibali,Na bankóto zomi zomi ya mikɛli ya mafuta?+
Nakopesa nde mwana na ngai ya liboso ya mobali mpo na botomboki na ngai,Mwana na ngai* mpo na lisumu na ngai?*+
8 Ee moto, ayebisi yo oyo ezali malamu.
Mpe eloko nini Yehova azali kosɛnga yo?
Kaka ete omonisa boyengebene,*+ olinga bosembo,*+Mpe otambola na bopɔlɔ+ elongo na Nzambe na yo!+
9 Mongongo ya Yehova ezali kobelela na engumba,Baoyo bazali na bwanya bakobanga nkombo na yo.
Bótya likebi na nzete mpe na moto oyo atyaki yango.+
10 Na ndako ya moto mabe, ezali naino na biloko ya motuya oyo ezwami na misala ya bato mabeNá efa* oyo bakɔndisá, oyo eboyami?
11 Nakoki nde kozala pɛto na bizaleli* soki nazali na bimekeli-kilo ya mabe,Ná saki ya libanga ya komeka kilo oyo ezali ya bokosi?+
12 Mpo bazwi na ye batondi na mobulu,Mpe bafandi na ye bazali koloba lokuta;+Lolemo na bango ezali na bokosi na monɔkɔ na bango.+
13 “Yango wana nakobɛta yo mpe nakozokisa yo,+Bongo okotikala mpamba mpo na masumu na yo.
14 Okolya kasi okotonda te;Okozala kaka na nzala.*+
Biloko oyo okolongola, okomema yango te kozanga ete ezwa likama,Mpe biloko oyo okolonga komema, nakopesa yango monguna.*
15 Okolona biloko, kasi okobuka yango te.
Okokamola mbuma ya olive, kasi okosalela mafuta na yango te;Mpe okosala vinyo ya sika, kasi okomɛla vinyo yango te.+
16 Bozali kotosa mitinda ya Omiri mpe kolanda misala nyonso ya ndako ya Ahaba,+Bozali kotambola na kolanda toli na bango.
Yango wana nakokómisa yo eloko ya kopesa nsɔmɔMpe bato oyo bafandi epai na ye eloko ya kotyola;*+Mpe bato ya bikólo bakosɛka bino.”+
Maloba na nse
^ Lil., “ndako ya boombo.”
^ Lil., “Mbuma ya libumu na ngai.”
^ To, “lisumu ya molimo na ngai.”
^ To, “olinga na boboto mpe na bosembo.” Lil., “olinga bolingo ya sembo.”
^ To, “ozala moto ya kolongobana.”
^ To, “kozala na likambo te.”
^ To, “Libumu na yo ekozala mpamba.”
^ Lil., “na mopanga.”
^ Lil., “eloko ya kobɛtɛla piololo.”
