Nzembo 12:1-8
-
Yehova atɛlɛmi mpo na kosala likambo
-
Maloba ya Nzambe ezali pɛto (6)
-
Epai ya mokambi ya nzembo; ebongisami mpo ekokana na lolaka ya Sheminite.* Mondule ya Davidi.
12 Bikisá ngai, Ee Yehova, mpo moto ya sembo azali lisusu te;Bato ya sembo balimwe na kati ya bato.
2 Balobanaka lokuta;Basalelaka maloba sukali na mbɛbu na bango* mpe balobaka makambo ya bokosi na mitema na bango.*+
3 Yehova akolongola mbɛbu ya moto nyonso oyo asalelaka maloba sukaliMpe lolemo oyo emikumisaka,+
4 Baoyo balobaka ete: “Tokolonga na lolemo na biso.
Tokosalela mbɛbu na biso ndenge tolingi;Nani akozala nkolo na biso?”+
5 “Lokola bato ya mpasi bazali konyokwama,Lokola babola bazali kolelalela,*+Nakotɛlɛma mpo nasala likambo,” Yehova alobi bongo.
“Nakobikisa bango na mabɔkɔ ya baoyo bazali kosalela bango makambo na nko.”*
6 Maloba ya Yehova ezali pɛto;+Ezali lokola palata oyo epɛtolami na ndako ya mɔtɔ makasi oyo esalemi na mabele,* epɛtolami mbala nsambo.
7 Okokɛngɛla bango, Ee Yehova;+Okobatela mpo na libela mokomoko na bango na mabɔkɔ ya libota oyo.
8 Bato mabe batambolaka kozanga komipekisa,Mpo bana ya bato bakumisaka makambo ya mabe.+
Maloba na nse
^ Talá Ndimbola ya maloba.
^ Lil., “monɔkɔ sukali.”
^ Lil., “na motema mpe na motema.”
^ To, “kokimela.”
^ To, “na ndenge ya kotyola.”
^ To mbala mosusu, “litumbu ya konyangwisa oyo etyami na mabele.”
