ຄຳຖາມ 5
ເລື່ອງຫຼັກໃນຄຳພີໄບເບິນແມ່ນເລື່ອງຫຍັງ?
“ເຮົາຈະໃຫ້ເຈົ້າກັບຜູ້ຍິງເປັນສັດຕູກັນ ແລະເຊື້ອສາຍຂອງເຈົ້າກັບເຊື້ອສາຍຂອງຜູ້ຍິງຈະເປັນສັດຕູກັນ. ເຊື້ອສາຍຂອງຜູ້ຍິງຈະຢຽບຫົວຂອງເຈົ້າຈົນມຸ່ນ ແລະເຈົ້າຈະເຮັດໃຫ້ສົ້ນຕີນຂອງເຊື້ອສາຍຂອງຜູ້ຍິງບວມຊ້ຳ.”
“ຍ້ອນເຈົ້າເຊື່ອຟັງເຮົາ ຄົນຈາກທຸກຊາດຈະໄດ້ຮັບພອນໂດຍທາງລູກຫຼານຂອງເຈົ້າ.”
“ຂໍໃຫ້ພະອົງເລີ່ມປົກຄອງພວກເຮົາ ແລະຂໍໃຫ້ທຸກຢ່າງໃນໂລກແລະໃນສະຫວັນເປັນໄປຕາມທີ່ພະອົງຕ້ອງການໃຫ້ເປັນ.”
“ອີກບໍ່ດົນ ພະເຈົ້າຜູ້ໃຫ້ສັນຕິສຸກຈະໃຫ້ອຳນາດພວກເຈົ້າເຮັດໃຫ້ຊາຕານມຸ່ນຢູ່ພື້ນຕີນຂອງພວກເຈົ້າ.”
“ເມື່ອພະເຈົ້າເຮັດໃຫ້ທຸກສິ່ງຢູ່ໃຕ້ອຳນາດຂອງພະຄລິດແລ້ວ ພະຄລິດທີ່ເປັນລູກກໍຈະຢູ່ໃຕ້ອຳນາດຂອງພະເຈົ້າຜູ້ທີ່ເຮັດໃຫ້ທຸກສິ່ງຢູ່ໃຕ້ອຳນາດເພິ່ນ ແລ້ວພະເຈົ້າຈະເປັນທຸກສິ່ງທຸກຢ່າງສຳລັບທຸກຄົນ.”
“ມັນກໍຄືກັບຄຳສັນຍາທີ່ພະເຈົ້າເຮັດກັບອັບຣາຮາມແລະກັບລູກຫຼານຂອງລາວ . . . ຜູ້ນັ້ນແມ່ນພະຄລິດ. ຖ້າພວກເຈົ້າເປັນຄົນຂອງພະຄລິດ ພວກເຈົ້າກໍເປັນລູກຫຼານຂອງອັບຣາຮາມແທ້ໆ.”
“ຕອນນີ້ ອຳນາດກະສັດເໜືອໂລກນີ້ເປັນຂອງຜູ້ເປັນນາຍຂອງພວກເຮົາແລະເປັນຂອງຜູ້ທີ່ພະເຈົ້າເລືອກໃຫ້ເປັນພະຄລິດແລ້ວ ແລະເພິ່ນຈະປົກຄອງເປັນກະສັດຕະຫຼອດໄປ.”
“ພະຍານາກໃຫຍ່ຖືກຖິ້ມລົງມາໃນໂລກ ແລະທູດສະຫວັນທີ່ຢູ່ຝ່າຍມັນກໍຖືກຖິ້ມລົງມາຄືກັນພະຍານາກໃຫຍ່ແມ່ນງູໂຕທຳອິດນັ້ນ. ມັນຖືກເອີ້ນວ່າມານຮ້າຍແລະຊາຕານທີ່ກຳລັງລໍ້ລວງທົ່ວໂລກໃຫ້ຫຼົງຜິດ.”
“ເພິ່ນຈັບພະຍານາກທີ່ເປັນງູໂຕທຳອິດນັ້ນ ເຊິ່ງແມ່ນມານຮ້າຍແລະຊາຕານ ແລ້ວມັດມັນໄວ້ 1.000 ປີ.”
