ເພງທີ 111
ສິ່ງທີ່ເຮັດໃຫ້ພວກເຮົາມີຄວາມຍິນດີ
-
1. ເຫດຜົນທີ່ໃຫ້ເຮົາມີຄວາມຍິນດີ
ດັ່ງມີຊັບສິນທີ່ເພີ່ມເຂົ້າມາ
ມີຄົນຈາກທຸກຊາດມາຫາພະເຈົ້າ
ກຳລັງມາສົມທົບກັບພວກເຮົາ
ສິ່ງທີ່ເຮັດໃຫ້ພວກເຮົາມີຄວາມສຸກ
ຄືເຮົາເຂົ້າໃຈຄຳສອນພະເຈົ້າ
ໄດ້ມີສ່ວນໃນການສັ່ງສອນທຸກວັນ
ເຮົາເຊື່ອແລະເຮັດຕາມທີ່ໄດ້ຍິນ
ທີ່ເຮົາມີຄວາມສຸກຢູ່ເລິກໃນໃຈ
ເໝືອນດັ່ງຖ່ານໄຟເຜົາໄໝ້ໃນໃຈ
ເຖິງຈະພົບຄວາມທຸກໜັກແລະບັນຫາ
ເຢໂຫວາຊ່ວຍເຮົາໃຫ້ອົດທົນ
(ທ່ອນຊ້ຳ)
ເຢໂຫວາໃຫ້ເຮົາມີຄວາມສຸກ
ເຮົາຊື່ນໃຈກັບຜົນງານພະອົງ
ດ້ວຍລິດເດດຍິ່ງໃຫຍ່ ພະລັງອັນລ້ຳເລີດ
ປ່ຽມລົ້ນຄວາມປັນຍາ ແລະຄວາມດີ
-
2. ເຮົາຊື່ນຊົມໃນຜົນງານຂອງພະອົງ
ແຜ່ນດິນກັບທ້ອງຟ້າແລະທະເລ
ເຮົາຮຽນຈາກໜັງສືວ່າສິ່ງສ້າງມາ
ພາກັນຕົບມືສັນເສີນພະອົງ
ເຮົາພູມໃຈໄດ້ເປັນພະຍານພະອົງ
ໄດ້ບອກເລື່ອງລາຊະອານາຈັກ
ປະກາດເຖິງສິ່ງດີທີ່ຈະໄດ້ຮັບ
ເຮົາຍິນດີໄປບອກທຸກຫົນແຫ່ງ
ຄວາມສຸກຕະຫຼອດໄປມາໃກ້ເຮົາແລ້ວ
ແສງແຫ່ງວັນໃໝ່ໃກ້ຈະມາເຖິງ
ສັນຍາເລື່ອງຟ້າໃໝ່ແລະໂລກໃໝ່ນັ້ນ
ນຳຄວາມສຸກບໍ່ສິ້ນສຸດເຂົ້າມາ
(ທ່ອນຊ້ຳ)
ເຢໂຫວາໃຫ້ເຮົາມີຄວາມສຸກ
ເຮົາຊື່ນໃຈກັບຜົນງານພະອົງ
ດ້ວຍລິດເດດຍິ່ງໃຫຍ່ ພະລັງອັນລ້ຳເລີດ
ປ່ຽມລົ້ນຄວາມປັນຍາ ແລະຄວາມດີ
(ເບິ່ງຕື່ມ ບັນຍັດ. 16:15; ເອຊາ. 12:6; ໂຢ. 15:11)
