ຄຳຖາມທີ 4
ເມື່ອຂ້ອຍເຮັດຜິດຈະເຮັດແນວໃດ?
ເຈົ້າ ຈະເຮັດແນວໃດ?
ໃຫ້ນຶກພາບເຫດການນີ້: ໃນຂະນະທີ່ຫຼິ້ນກັບໝູ່ ທ້າວທິມໄດ້ໂຍນໝາກບານໄປຖືກແວ່ນລົດໃຫຍ່ຂອງເພື່ອນບ້ານແຕກ.
ຖ້າເຈົ້າເປັນທິມ ເຈົ້າຈະເຮັດແນວໃດ?
ຢຸດແລະຄິດ!
ເຈົ້າມີ 3 ທາງເລືອກ:
-
ກ ແລ່ນໜີ.
-
ຂ ໂທດຄົນອື່ນ.
-
ຄ ບອກເພື່ອນບ້ານວ່າເກີດຫຍັງຂຶ້ນແລະສະເໜີຈ່າຍຄ່າເສຍຫາຍ.
ເຈົ້າອາດຢາກໃຊ້ທາງເລືອກ ກ. ແຕ່ບໍ່ວ່າຈະເຮັດແວ່ນລົດແຕກຫຼືເຮັດສິ່ງອື່ນແຕກ ການທີ່ເຈົ້າຍອມຮັບຜິດກໍມີຂໍ້ດີສະເໝີ.
ເຫດຜົນ 3 ຂໍ້ທີ່ເຈົ້າຄວນຍອມຮັບຄວາມຜິດ
-
ເປັນສິ່ງຖືກຕ້ອງທີ່ຈະເປັນຄົນສັດຊື່.
ຄຳພີໄບເບິນບອກວ່າ: “ພວກເຮົາປາຖະໜາເຮັດແຕ່ສິ່ງທີ່ຖືກຕ້ອງໃນທຸກສະພາບການ.”—ເຫບເລີ 13:18, ທ.ປ.
-
ຖ້າຍອມຮັບຜິດ ຄົນອື່ນຈະຍົກໂທດໃຫ້.
ຄຳພີໄບເບິນບອກວ່າ: ‘ຜູ້ທີ່ເຊື່ອງການຜິດທັງຫຼາຍຂອງຕົນໄວ້ຈະຈຳເລີນຂຶ້ນບໍ່ໄດ້ ແຕ່ວ່າຜູ້ທີ່ສາລະພາບແລະປະຖິ້ມການຜິດນັ້ນກໍຈະໄດ້ຄວາມອີ່ດູ.’— ສຸພາສິດ 28:13
-
ສຳຄັນທີ່ສຸດຈະເຮັດໃຫ້ພະເຢໂຫວາພໍໃຈ.
ຄຳພີໄບເບິນບອກວ່າ: “ພະເຢໂຫວາກຽດຊັງຄົນເຈົ້າເລ່ ແຕ່ພະອົງເປັນເພື່ອນສະໜິດກັບຄົນຊື່ກົງ.”—ສຸພາສິດ 3:32, ລ.ມ.
ຄາຣີນາ ອາຍຸ 20 ປີ ພະຍາຍາມປິດບັງພໍ່ເລື່ອງໃບສັ່ງຍ້ອນຂັບລົດໄວເກີນກຳນົດ ແຕ່ລາວກໍປິດບັງໄດ້ບໍ່ດົນ. ຄາຣີນາເວົ້າວ່າ: “ປະມານໜຶ່ງປີຕໍ່ມາ ພໍ່ກໍຮູ້ເລື່ອງນັ້ນ ແລະຂ້ອຍກໍຖືກໂທດຢ່າງໜັກ!”
ເຮົາໄດ້ບົດຮຽນຫຍັງ?: ຄາຣີນາເວົ້າວ່າ: “ການປິດບັງຄວາມຜິດມີແຕ່ເຮັດໃຫ້ເລື່ອງຮ້າຍແຮງຂຶ້ນ. ມີມື້ໜຶ່ງກໍຕ້ອງໄດ້ຮັບໂທດ!”
ເຈົ້າຈະຮຽນຮູ້ຈາກຄວາມຜິດຂອງຕົວເອງແນວໃດ?
ຄຳພີໄບເບິນບອກວ່າ: “ພວກເຮົາທຸກຄົນເຮັດຜິດພາດຢູ່ເລື້ອຍໆ.” (ຢາໂກໂບ 3:2, ທ.ປ.) ດັ່ງທີ່ເຮົາໄດ້ເຫັນ ຄົນທີ່ຍອມຮັບຜິດທັນທີກໍເປັນຄົນຖ່ອມແລະເປັນຜູ້ໃຫຍ່.
ຂັ້ນຕອນຕໍ່ໄປແມ່ນເຮົາຕ້ອງຮຽນຮູ້ຈາກຄວາມຜິດຂອງຕົວເອງ. ຍິງສາວທີ່ຊື່ວີຣາເວົ້າວ່າ: “ທຸກຄັ້ງທີ່ຄິດເຖິງຄວາມຜິດໃນອະດີດ ຂ້ອຍພະຍາຍາມຮຽນຮູ້ຈາກມັນແລະເຕືອນຕົວເອງໃຫ້ເປັນຄົນດີກວ່າເກົ່າແລະບໍ່ເຮັດຜິດແບບນັ້ນອີກ.” ໃຫ້ມາເບິ່ງວ່າເຈົ້າຈະເຮັດໄດ້ແນວໃດ?
ເຈົ້າຢືມລົດຈັກຂອງພໍ່ໄປໃຊ້ແລະເຮັດສີໂປກ. ເຈົ້າຈະເຮັດແນວໃດ?
-
ບໍ່ເວົ້າຫຍັງແລະຫວັງວ່າພໍ່ຈະບໍ່ເຫັນ.
-
ບອກພໍ່ກ່ຽວກັບເລື່ອງທີ່ເກີດຂຶ້ນ.
-
ບອກພໍ່ ແຕ່ວ່າໂທດຄົນອື່ນ.
ເຈົ້າເສັງຕົກຍ້ອນບໍ່ເບິ່ງບົດຮຽນ. ເຈົ້າຈະເຮັດແນວໃດ?
-
ໂທດບົດສອບເສັງ.
-
ຍອມຮັບວ່າເປັນຄວາມຜິດຂອງເຈົ້າທີ່ໄດ້ຄະແນນຕໍ່າ.
-
ໂທດວ່າອາຈານບໍ່ມັກເຈົ້າ.
ການຈົມຢູ່ກັບຄວາມຜິດໃນອະດີດເປັນຄືກັບການເບິ່ງແວ່ນຫຼັງໃນຂະນະທີ່ຂັບລົດ
ຕອນນີ້ໃຫ້ເບິ່ງຄືນສາກເຫດການທີ່ກ່າວໄປແລ້ວ ແລະໃຫ້ນຶກພາບວ່າເຈົ້າເປັນ (1) ພໍ່ (2) ອາຈານ. ພໍ່ແລະອາຈານຈະຄິດແນວໃດຖ້າເຈົ້າຍອມຮັບຄວາມຜິດຂອງຕົວເອງ? ພວກເພິ່ນຈະຄິດແນວໃດຖ້າເຈົ້າປິດບັງຄວາມຜິດຂອງຕົວເອງ?
ຕອນນີ້ໃຫ້ຄິດກ່ຽວກັບຄວາມຜິດທີ່ເຈົ້າໄດ້ເຮັດໃນປີທີ່ຜ່ານມາແລະຕອບຄຳຖາມຕໍ່ໄປນີ້.
ເຈົ້າເຮັດຜິດໃນເລື່ອງໃດ? ເຈົ້າແກ້ໄຂຄວາມຜິດນັ້ນແນວໃດ?
-
ຂ້ອຍປິດບັງໄວ້.
-
ຂ້ອຍໂທດຄົນອື່ນ.
-
ຂ້ອຍຍອມຮັບຜິດ.
ຖ້າເຈົ້າບໍ່ຍອມຮັບຄວາມຜິດຂອງຕົວເອງ ເຈົ້າຮູ້ສຶກແນວໃດຫຼັງຈາກນັ້ນ?
-
ຮູ້ສຶກດີເພາະບໍ່ຕ້ອງຮັບຜິດຊອບຫຍັງເລີຍ!
-
ຮູ້ສຶກຜິດເພາະຄວນບອກຄວາມຈິງ.
ຖ້າຫວນຄືນໄດ້ ເຈົ້າຈະເຮັດແນວໃດເພື່ອໃຫ້ສະຖານະການດີຂຶ້ນ?
ເຈົ້າໄດ້ຮຽນຮູ້ຫຍັງຈາກຄວາມຜິດຂອງຕົວເອງ?
ເຈົ້າຄິດແນວໃດ?
ເປັນຫຍັງບາງຄົນຈຶ່ງບໍ່ກ້າບອກວ່າຕົວເອງເຮັດຜິດ?
ຄົນອື່ນຈະຄິດແນວໃດຕໍ່ເຈົ້າ ຖ້າເຈົ້າປິດບັງຄວາມຜິດຂອງຕົວເອງສະເໝີ? ຄົນອື່ນຈະຄິດແນວໃດຕໍ່ເຈົ້າ ຖ້າເຈົ້າຍອມຮັບຄວາມຜິດຂອງຕົວເອງ?—ລືກາ 16:10
