Ki Kabakalañi ha mu sa Bizangi Sibaka se mu Kopanelanga ku Sona Kuli Keleke?
Mwa Bibele, linzwi la Sigerike le li tolokilwe kuli “keleke” fokuñwi li amanga kwa sikwata sa balapeli, isiñi kwa muyaho o ba kopanelanga ku ona.
Ki wo mutala: Muapositola Paulusi ha naa ñolezi Bakreste ba mwa Roma, naa lumezi litumeliso ku bo mutu ni musalaa hae bo Akila ni Prisila mi a ekeza kuli: “Mu lumelise ni Keleke ye mwa ndu ya bona.” (Maroma 16:5, Bibele ye Kenile, Hatiso ya 1951) Paulusi naa sa lumelisi muyaho. Kono naa lumelisa batu—ili puteho ye ne kopanelanga mwa ndu yeo. a
Kamukwaocwalo, mwa sibaka sa ku biza sibaka sa luna sa ku lapelela teñi kuli keleke, lu si biza kuli “Ndu ya Mubuso.”
Ki Kabakalañi ha lu si Biza “Ndu ya Mubuso ya Lipaki za Jehova”?
Libizo leo la swanela ka mabaka a mañata:
Muyaho wo, ki ndu kamba sibaka sa ku kopanela.
Lu kopananga ka mulelo wa ku lapela Jehova, yena Mulimu ya bulezwi mwa Bibele, ni ku paka ka za hae.—Samu 83:18; Isaya 43:12.
Hape lu kopananga ka mulelo wa ku ituta ka za Mubuso wa Mulimu, ili wo hañata Jesu naa bulelanga ka za ona.—Mateu 6:9, 10; 24:14; Luka 4:43.
Mu lukuluhile ku potela Ndu ya Mubuso ye li bukaufi ni mina kuli mu iponele mo ba zamaisezanga mikopano ya bona Lipaki za Jehova.
a Manzwi a swana ni ao, a fumaneha kwa 1 Makorinte 16:19; Makolose 4:15; ni kwa Filemoni 2.
Hape Mwendi Mwakona Kutabela Litaba Ze
LIPUZO ZEBUZIWANGA HAÑATA
Liputeho za Lipaki za Jehova Lionga-Ongilwe Cwañi?
Muzibe molufelwanga ketelelo ni litaelo zetomilwe fa Bibele.
KA ZA LUNA
Mufumanehe Kwa Mukopano
Muzibe litaba ka za mikopano yaluna. Mufumane sibaka sa mikopano sesili bukaufi ni komupila.