Lisamu 102:1-28
Tapelo ya mutu yanyandile, ka nako yafelezwi ki sepo,* mi utaluseza Jehova litaba kaufela zeemubilaeza.+
102 Mawe Jehova, utwa tapelo yaka;+Muhuwo waka wa kukupa tuso ufite ku wena.+
2 Usike wanipatela pata yahao ka nako yeniziyelehile.+
Usikekele zebe yahao* ku na;Unialabe kapili hanikupa tuso.+
3 Kakuli mazazi aka afela sina musi,Mi masapo aka aca inge mashala aatuka.+
4 Pilu yaka iswana inge bucwañi bobulengilwe ki kazazi mi iletukile,+Kakuli nilibala kuca lico zaka.
5 Kabakala sitongo saka sesituna,+Masapo aka alamatezi kwa nama ya mubili waka.+
6 Niswana ni liya la mwa lihalaupa;Niswana ni kakuluñuñu kakainzi mwa matota.
7 Haniboni buloko;*Niswana ni nyunywani yeinzi inosi fa situwa.+
8 Ninyefulwa ki lila zaka lizazi kaufela.+
Baba nisheununa* baitusisa libizo laka mwa likuto.
9 Kakuli nica mufuse sina sico saka,+Mi sino saka sizwakani ni miyoko,+
10 Kabakala bunyemi bwahao ni buhali bwahao,Kakuli uninanulezi mwahalimu kihona uniyumbela kwatuko.
11 Mazazi aka aswana sina muluti ozamaya ufela,*+Mi nisweli naletuka inge bucwañi.+
12 Kono wena Jehova uteñi kuya kuile,+Mi libubo* lahao likaba teñi kamita mwa masika kaufela.+
13 Kaniti ukayema ni kubonisa makeke ku Sione,+Kakuli ki nako ya kuli umushemube;+Nako yetomilwe ifitile.+
14 Kakuli batanga bahao batabela macwe ahae+Mi balata nihaiba liluli lahae.+
15 Macaba akasaba libizo la Jehova,Mi malena kaufela ba lifasi bakasaba kanya yahao.+
16 Kakuli Jehova ukayaha sinca Sione;+Ukabonahala mwa kanya yahae.+
17 Ukautwa tapelo ya babotana;+Haana kuhana tapelo yabona.+
18 Taba ye, iñolezwi lusika lolusa taha,+Kuli sicaba sesisika pepwa* kale ite silumbeke Jah.
19 Kakuli utalimela fafasi inzaa li kwahalimu mwa sibaka sahae sesikenile,+Jehova ubona lifasi inzaa li mwa mahalimu,
20 Kuli autwe sitongo sa lipantiti,+Kuli alukulule babaatulezwi lifu,+
21 Ilikuli libizo la Jehova lizibahazwe mwa Sione+Ni milumbeko yahae mwa Jerusalema,
22 Muta macaba ni mibusoBakopana hamoho kusebeleza Jehova.+
23 Uniamuhile maata nako yateñi isika fita kale;Ufukulize mazazi aka.
24 Neniize: “Wena Mulimu waka,Usike wanibulaya inze nisali fahalaa bupilo bwaka,Wena yaliteñi mwahalaa nako ya masika kaufela.+
25 Neutomile mitomo ya lifasi kale-kale koo,Mi mahalimu ki musebezi wa mazoho ahao.+
26 Likayunda, kono wena ukazwelapili kubateñi;Kaufelaa zona likafela, sina siapalo.
Uka liyolisa sina liapalo, mi likafela.
27 Kono wena haucinci, mi lilimo zahao halina kufela.+
28 Bana ba batanga bahao bakapila mwa kozo,Mi bana babona bakatiiswa fapilaa hao.”+
Litaluso ze kwatasi
^ Kamba “yafokozi.”
^ Kamba “Inama uteeleze.”
^ Kamba mwendi, “Niñwañulukile.”
^ Kamba “Baba nieza sisomo.”
^ Kamba “muluti onamuluha.”
^ Kamba “libizo.” Linzwi ka linzwi, “kupulo.”
^ Linzwi ka linzwi, “bupiwa.”
