LIKALABO KWA LIPUZO ZA BIBELE

Diabulosi naa simuluhile kai?

Mulimu naa si ka bupa Diabulosi. Kono Mulimu naa bupile lingeloi le ne li tilo ba Diabulosi hasamulaho, ili le li zibahala hape sina Satani. Jesu naa bonisize kuli ka nako ye ñwi Diabulosi naa sepahala mi naa si na mulatu. Kamukwaocwalo, Diabulosi kwa makalelo ne li lingeloi le ne li lukile, le ne li li mwanaa Mulimu.—Mu bale Joani 8:44.

Ne ku tile cwañi kuli lingeloi le linde li be le li maswe?

Lingeloi le ne li tilo ba Diabulosi ne li ketile ku lwanisa Mulimu mi ne li kukuelize batu ba pili kuli ba swalisane ni lona. Ka ku eza cwalo, lingeloi leo la ipetula ku ba Satani, ili libizo le li talusa “Muhanyezi.”—Mu bale Genese 3:1-5; Sinulo 12:9.

Ka ku swana ni libupiwa za Mulimu kaufela ze butali, lingeloi le ne li tilo ba Diabulosi ne li na ni tukuluho ya ku iketela ku eza ze nde kamba ku eza ze maswe, kono ne li bile ni takazo ya ku bata ku lapelwa. Takazo ya lona ya ku bata ku lapelwa nee li ye tuna hahulu ku fita takazo ya ku bata ku tabisa Mulimu.—Mu bale Mateu 4:8, 9; Jakobo 1:13, 14.

Diabulosi u zwezipili ku kukueza batu kamukwaufi? Kana mwa swanela ku mu saba? Mwa kona ku fumana likalabo kwa lipuzo zeo mwa Bibele.

Kuli mu bale litaba ze ñata, mu bone kauhanyo 10 ya buka ye, ye hatisizwe ki Lipaki za Jehova