Ñimbo ya Mitōto 66:1-20
Kudi mukulu wa bañomba. Lwimbo.
66 Tūtai kyungwe kya bushindañani kudi Leza, a ntanda yonso.+
2 Imbilai* dijina dyandi dya ntumbo mitendelo.
Tumbijai mitendelo yandi.+
3 Nenai Leza amba: “Mingilo yobe ileñanga nzuba!+
Pa mwanda wa bukomo bobe bukatakata,Balwana nobe bakatetema ku meso obe.+
4 Ntanda yonso ikevukwila kodi;+Bakakwimbila mitendelo;Bakembila dijina dyobe mitendelo.”+ (Sela)
5 Iyai mumone mingilo ya Leza.
Bilongwa byalongela bana ba bantu i bilenga nzuba.+
6 Waalamwine dijiba ke nshi myūmu;+Baabuka munonga lwa nshi.+
E ko twamusangedile.+
7 Aye ubikele nyeke+ na bukomo bwandi.
Meso andi atalanga pa mizo.+
Boba ba mitwe myūmu kebafwaninwepo kwizunzula.+ (Sela)
8 Tendelai Leza wetu, banwe bantu,+Kadi diwi dya mitendelo yandi divwanikwe.
9 Aye witulamine bōmi;*+Kalekangapo maulu etu akukale.*+
10 Mwanda ubetubandaula, abe Leza;+Ubetutōkeja, monka mutōkejibwanga ndalama.
11 Wetukwete mu bukonde;Watūdile potudi* kiselwa kilēma kisonsakanya.
12 Walekele muntu wa kufwa etutentame;*Twapita mu mudilo ne mu mema;Penepo wetuselela ku kifuko kya kutūja.
13 Nkatwelanga mu njibo yobe na byamulambu bisōkwe bituntulu;+Nkafikidijanga mpiko yami kodi+
14 Yoya yalaile milomo yami+Ne yesambile kyakanwa kyami ponadi mu tusua.
15 Nkakulambulanga byamulambu bisōkwe ne banyema banunePamo ne mwishi wa bitapwa bya mikōko milume.
Nkalambulanga bañombe pamo ne bambuji balume. (Sela)
16 Iyai mwivwane, banwe bonso bakaminwe Leza,Ami nami nkemulombola byawanongela.*+
17 Namwityile na kyakanwa kyamiNe kumutumbija na ludimi lwami.
18 Shi nakunine kintu kibi mu mutyima wami,Longa Yehova kadipo wa kungivwana.+
19 Ino Leza waivwene;+Watele mutyima ku milombelo yami.+
20 Leza atendelwe, mwine kapelelepo milombelo yamiNansha kunsuminwa buswe bwandi bwa ndamatyidile.
Kunshi kwa Dyani
^ Nansha’mba “Ombelai minjiki.”
^ Nansha’mba “watūla muya wetu mu būmi.”
^ Nansha’mba “alunduke, atelentente.”
^ Kishima pa kishima i, “pa bifuka byetu.”
^ Kishima pa kishima i, “pa mutwe wetu.”
^ Nansha’mba “byawalongela muya wami.”
