Ñimbo ya Mitōto 86:1-17
Milombelo ya Davida.
86 Tá kutwi kobe,* a Yehova, unondolole,Mwanda namone malwa kadi ne mulanda.+
2 Lama būmi bwami,* mwanda ne wa lulamato.+
Pandija mwingidi obe ukukulupile,Mwanda wi Leza wami.+
3 A Yehova, ntōkelwe mutyima,+Mwanda nakwite difuku dyonso dituntulu.+
4 Sangaja mwingidi obe,*Mwanda a Yehova, naalamukila* kodi abe.
5 Mwanda abe Yehova, wi muyampe+ kadi kwijepo kulekela;+Wi muyulwe buswe bwa ndamatyidile ku boba bonso bakwita.+
6 A Yehova, teja milombelo yami;Tá mutyima ku kulomba konomba bukwashi.+
7 Nakwite mu difuku dya tusuwa twami,+Mwanda ukanondololanga.+
8 Mu baleza i mutupu nansha umo udi pamo bwa abe, a Yehova,+I kutupu mingilo idi pamo bwa yobe.+
9 Mizo yonso yowalongeleIkāya kwivukwila ku meso obe, abe Yehova,+Kadi ikatumbijanga dijina dyobe.+
10 Mwanda abe wi mukatampe kadi uloñanga bintu bya kwanwa;+Abe wi Leza, bunka bobe.+
11 A Yehova, mfundije dishinda dyobe.+
Nkendanga mu bubine bobe.+
Kutyila mutyima wami mu bumo* amba ntyine dijina dyobe.+
12 A Yehova Leza wami, nkutendelanga na mutyima wami onso,+Kadi nkatumbijanga dijina dyobe nyeke,
13 Mwanda buswe bobe bwa ndamatyidile bounswele i bukatampe,Kadi ubapandija būmi bwami* munshi mwa Kibundu.*+
14 A Leza, bantu ba ditatu* abantombokela;+Kibumbo kya bantu bampikwa kafuku kikimbanga kuyata būmi bwami,*Kadi kebakulēmekelepo.*+
15 Ino abe Yehova, wi Leza wa lusa ne kanye,*Wija pa kukwatwa bulobo kadi muyulwe buswe bwa ndamatyidile ne bubinebine.*+
16 Tadila kondi untōkelwe mutyima.+
Pá mwingidi obe bukomo bobe,+Kadi pandija mwanā umpika obe mwana-mukaji.
17 Nombole kiyukeno kya* buyampe bobe,Amba boba bakushikilwe bamone’kyo ne kufwijibwa bumvu.
Mwanda abe Yehova, wi mukwashi wami ne musengi wami.
Kunshi kwa Dyani
^ Nansha’mba “Bandama wivwane.”
^ Nansha’mba “muya wami.”
^ Nansha’mba “muya wa mwingidi obe.”
^ Nansha’mba “natulula muya wami.”
^ Nansha’mba “Mpe mutyima mutuntulu.”
^ Nansha’mba “muya wami.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “kebakutūdilepo ku meso abo.”
^ Nansha’mba “kikimbanga muya wami.”
^ Nansha’mba “ba kibutakwe.”
^ Nansha’mba “wa buntu.”
^ Nansha’mba “ne bubine.”
^ Nansha’mba “bukamoni bwa.”
