Bene Levi 12:1-8
-
Kutōkejibwa pa kupwa kubutula (1-8)
12 Yehova wanena Mosesa monka’mba:
2 “Lombola bene Isalela amba, ‘Shi mwana-mukaji waimita* dīmi kadi wabutula mwana-mulume, nabya ukekala wa disubi mafuku asamba-abidi, monka mwaikadilanga mu mafuku a disubi paendanga ku mweji.+
3 Mu difuku dya mwānda, mwana ukatwejibwa kwisao.+
4 Ukendelela na kwisubula ku mashi mu mafuku 33 alonda’ko. Kafwaninwepo kutenga kintu kijila nansha kimo, kadi kafwaninwepo kutwela mu kifuko kijila kufika ne byabwanya mafuku andi a kwitōkeja.
5 “‘Shi wabutula mwana-mukaji, nabya ukekala wa disubi mafuku 14, monka mwaikadilanga paendanga ku mweji. Ukendelela na kwisubula ku mashi mu mafuku 66 alonda’ko.
6 Shi mafuku andi a kwitōkeja mwanda wa mwana mwana-mulume nansha mwana-mukaji abapu, ukaselela ku kibelo kya pema wa kubungakena’ko mukōko mulume mwana wa mwaka umo ne kwika wa kyamulambu kisōkwe+ ne kibondya kya nkunda nansha kakutyikutyi ka kyamulambu kya bubi, kudi kitobo.
7 Nandi ukaleta’kyo ku meso a Yehova ne kumupūtyila bubi, ebiya ukatōka ku mashi andi. Kino’ki i kijila kya mwana-mukaji ubutula mwana mwana-mulume nansha mwana-mukaji.
8 Ino shi kabwanyapo kusokola mukōko, nabya ukayata tukutyikutyi tubidi nansha bibondya bya bankunda bibidi,+ kimo kya kyamulambu kisōkwe, kikwabo nakyo kya kyamulambu kya bubi, kupwa kitobo ukamupūtyila bubi, nandi ukekala wampikwa disubi.’”
Kunshi kwa Dyani
^ Nansha’mba “waimita lukunwa.”
