Hakai 2:1-23
2 Mu kweji wa busamba-bubidi, mu difuku dya 21 dya kweji, kinenwa kya Yehova kyaiya kupityila kudi mupolofeto Hakai+ amba,
2 “Nakwisāshila, kepangule Zelububele+ mbikavu wa Yuda+ mwanā Shityile, ne Yoshua+ kitobo mukatampe mwanā Yehozadake,+ ne bantu bashele’ko amba:
3 ‘I ani le ushele’ko mu bukata mwenu wamwene ino njibo* poyadi ikidi na ntumbo pa kala?+ Le pano mwiimwene namani? Shi twiidingakanye, mwene keimweka pamo bwa kintu kya bitupu?’+
4 “‘Pano nanshi a Zelububele, wikomeje,’ i Yehova unena, ‘kadi wikomeje ne abe Yoshua kitobo mukatampe, mwanā Yehozadake.’
“‘Mwikomejei, banwe bantu bonso ba mu ino ntanda,’+ i Yehova unena, ‘kadi ingilai.’
“‘Mwanda ami ngidi nenu,’+ i Yehova wa bibumbo unena.
5 ‘Vulukai byonēmulaile pomwātambile mu Edipito,+ ne kadi mushipiditu wami ukidi mu bukata mwenu.*+ Kemwakakwatwai moyo.’”+
6 “Mwanda Yehova wa bibumbo wanena namino amba, ‘Kadi monka—kubashala kakitatyi katyetye’tu—nkatenkanya madiulu ne ntanda ne dijiba ne nshi myūmu.’+
7 “‘Nkatenkanyanga mizo yonso, kadi bintu bya bulēme* bya mu mizo yonso bikatwela mu ino njibo;+ nkayuja’mo ntumbo,’+ i Yehova wa bibumbo unena.
8 “‘Ndalama i yami, ne olo* mine i yami,’ i Yehova wa bibumbo unena.
9 “‘Ntumbo ya mu mafuku a kumeso ya ino njibo ikekala mikatampe kutabuka yoya imbajinji,’+ i Yehova wa bibumbo unena.
“‘Kadi nkaleta ndoe mu kino kifuko,’+ i Yehova wa bibumbo unena.”
10 Mu difuku dya 24 dya kweji wa kitema, mu mwaka wa bubidi wa Dadiusa, kinenwa kya Yehova kyaiya kudi mupolofeto Hakai+ amba:
11 “Yehova wa bibumbo wanena namino amba, ‘Nakwisāshila, ipangula babitobo pa mwanda wa bijila+ amba:
12 “Shi muntu uselele mwita ujila mu kivwalwa kyandi, kupwa kivwalwa kyandi kibatenga mukate nansha bidibwa bya busuku butyite nansha vinyu nansha māni nansha byakudya byo-byonso, lelo nabyo bikekala ke bijila’ni, a?”’”
Babitobo balondolola’mba: “Aa!”
13 Kupwa Hakai waipangula’mba: “Shi muntu musubijibwe pa kutenga ngitu* mifwe watenga kintu kimo pa bino’bi, lelo kikekala ke kya disubi?”+
Babitobo balondolola’mba: “Kikekala ke kya disubi.”
14 Penepo Hakai wanena’mba: “E mwikadile ne bano bantu, kadi e mwikadile ne uno muzo ku meso ami,’ i Yehova unena, ‘kadi e mwikadile ne mingilo yonso ya makasa abo; kyonso kyobalambula’ko i kya disubi.’
15 “‘Pano nanshi, nemwisāshila, tai mutyima ku* kino’ki tamba dyalelo’di ne mafuku āya kumeso: Kitatyi kyadi kekyatentekelwe dibwe pa dibwe dikwabo mu tempelo ya Yehova,+
16 le yadi namani? Padi pāya muntu ku mulwi wa miseke ukimba bipimo 20, kwadi enka 10 kete; kadi padi pāya muntu ku kīna mwanda wa kuteka bipimo 50 mu kyengelo kya vinyu, kwadi enka 20 kete;+
17 Nemukupile—bine, nakupile mingilo yonso ya makasa enu—na kipupo kyūmija bikunanwa ne na mūndila+ ne na mvula wa mabwe, ino i kutupu nansha umo momudi’mo waalamukīle kondi,’ i Yehova unena.
18 “‘Nemwisāshila, tai mutyima ku* kino’ki tamba dyalelo’di ne mafuku āya kumeso, tamba mu difuku dya 24 dya kweji wa kitema, tamba difuku dyaadilwe kyalwilo kya tempelo ya Yehova;+ tai mutyima ku kino’ki:
19 Lelo mu kibīko* mukidi nkunwa?+ Mwene muñanza, ne kikuyu, ne mutyi wa ngelenade, ne umpafu keyapele bipa? Tamba dyalelo dino’di nkemwesela dyese.’”+
20 Kadi kinenwa kya Yehova kyaiya kudi Hakai musunsa wa bubidi mu difuku dya 24 dya kweji+ amba:
21 “Lombola Zelububele mbikavu wa Yuda amba, ‘Nsa kutenkanya madiulu ne ntanda mine kumo.+
22 Nkafulamika lupona lwa malopwe ne kutukija fututu bukomo bwa malopwe a mizo;+ kadi nkafulamika dikalo ne bakende’mo, kadi tubalwe ne boba bakende’po bakapona, umo ne umo ku kipete kya mwanabo.’”+
23 “‘Mu dyodya difuku,’ i Yehova wa bibumbo unena, ‘Nkakuyata, abe mwingidi wami Zelububele+ mwanā Shityile,’+ i Yehova unena, ‘kadi nkakwalamuna kodi bwa lumpete lwa kashé, mwanda abe ye onatonga,’ i Yehova wa bibumbo unena.”
Kunshi kwa Dyani
^ Nansha’mba “tempelo.”
^ Bibwanika padi i, “kadi mushipiditu wami powadi wimene umbukata mwenu.”
^ Nansha’mba “byabilwa.”
^ Nansha’mba “nsahabu.”
^ Nansha’mba “na muya.” Tala Nshintulwilo ya Bishima.
^ Nansha’mba “tai bininge milangwe ku.”
^ Nansha’mba “tai bininge milangwe ku.”
^ Nansha’mba “kīna kya miseke.”
