Nkindi 5:1-23
5 A wami mwana, tá mutyima ku tunangu twami.
Ivwanija biyampe* kusansanya kwami,+
2 Amba ulame bukomo bobe bwa kulangaUlame ne buyuki na milomo yobe.+
3 Mwanda milomo ya mwana-mukaji moneke* isūmanga pamo bwa kisá kya būki,+Kadi kyakanwa kyandi kisenenanga kutabuka māni.+
4 Ino ku mfulo ululanga bululu pamo bwa ndulwe+Kadi udi na bui pamo bwa kipete kya bui kubidi.+
5 Maulu andi atūkilanga ku lufu.
Matabula andi atwadidilanga ku Kibundu.*
6 Kalañangapo kashinda ka būmi.
Dishinda dyandi dilumbakananga, ino aye kuyuka’ko mpika.
7 A bami bana, pano ngivwaneiKadi kemwakalekai kulonda byonesamba.
8 Ikala kulampe nandi;Kokafwena kubwipi na kibelo kya yandi njibo,+
9 Kutyina wakapa bulēme bobe ku bakwabo+Ne kwangula myaka ya bonakani;+
10 Kutyina bantu bakwabo bakakubija misokwe yobe*+Ne bintu byowasusukīle na mingilo byakenda ku njibo ya mweni.
11 Shi bitupu, ukabinza ku mfulo ya būmi bobeKitatyi kishinika ngitu ne umbidi obe+
12 Konena’mba: “Yō, nashikilwe bulemununi!
Mutyima wami wafutulwile madingi!
13 Nkyaivwenepo diwi dya badi banombolaNansha kuta mutyima ku bafundiji bami.
14 Nafika kubwipi na kusalwa bya binebineMu bukata mwa kipwilo* kyonso kituntulu.”+
15 Toma mema a mu kyumbu kyobeNe mema akuka* a mu mushimwa obe.+
16 Lelo masulo obe a mema akamwangala panja,Ne tuminonga tobe twa mema mu bīkwe?+
17 Ekale obe bunka,Ke a benipo bodi nabo.+
18 Nsulo* yobe yeselwe dyese,Kadi sangala pamo na mukaji wa busongwalume bobe,+
19 Kasha kakaji ka buswe, mbuji* muyampe wa mu ngulu.+
Mabele andi akusangaje* kitatyi kyonso.
Ukokwe na buswe bwandi kyaba kyonso.+
20 Penepo a wami mwana, mwanda waka ukokwe na mwana-mukaji moneke*Nansha kufumbakanya kyadi kya mwana-mukaji wa busekese?*+
21 Mwanda mashinda a muntu adi ku meso a Yehova;Aye ubandaulanga tushinda twandi tonso.+
22 Mubi upyanga mu dikinga dya bilubo byandi,Kadi ukakwatwa mu myonji ya bubi bwandi.+
23 Ukafwanga mwanda wa kubulwa bulemununiNe kusāsuka mwanda wa bulembakane bwandi bupitepite.
Kunshi kwa Dyani
^ Kishima pa kishima i, “Tebeka kutwi kobe ku.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “bukomo bobe.”
^ Kishima pa kishima i, “Mu bukata bwa kitango ne kipwilo.”
^ Nansha’mba “atalala.”
^ Nansha’mba “Nsulo ya mema.”
^ Nansha’mba “mbuji wa ntanda wa masengo malampe.”
^ Nansha’mba “akukolwe.”
