KIPANGUJO 7
Le Bible I Mulaye Bika Bitala Etu Mafuku?
“Muzo ukatamba muzo mukwabo ne bulopwe nabo bulopwe bukwabo . . . Bino byonso’bi i ngalwilo ya bisanso bya malwa.”
“Kukatamba bapolofeto bavule ba bubela kadi bakongola bavule bene; kadi pa mwanda wa kuvula kwa kujilula bijila, buswe bwa bangi bene bukatalala.”
“Shi mubaivwana mavita ne myanda ya mavita, kemwakatuyukai; bino bintu bifwaninwe kufika, ino ke mfulopo kala.”
“Kukekala kutenkana kukatampe kwa ntanda, kadi ne bimpengele bya nzala ne bipupo bya misongo byadi koku kebidi koku; kukekala binkumbulu bilenga moyo kadi mūlu mukatamba biyukeno bikatampe.”
“Mu mafuku a mfulo kukekalanga bitatyi bya makambakano bikomo ne mwa kulongela. Mwanda bantu bakekala ba kwisanswa abo bene, ba kusanswa lupeto, ba kwitumbika, ba kwizunzula, batuka Leza, bampikwa kukōkela bambutwile, bampikwa kufwija’ko, ba kubulwa lulamato, bampikwa kisanso kya bumuntu, bapela kumvwañana ko-konso, bavubavuba, ba kubulwa kwīfula, ba bukalabale bwa malwa, bampikwa kusanswa buyampe, ba kwaba bakwabo, ba mitwe myūmu, bayule mitatulo, basenswe kwisangaja kupita’ko kusanswa Leza, badi na mumwekelo wa bwine Leza, ino batuna bukomo bwa bwine Leza.”
