Bubine Butala pa Bulopwe bwa Leza
Yesu wāfundije balondi bandi kulombela’mba: “Tata wetu udi mūlu, dijina dyobe dipandulwe. Bulopwe bobe bwiye. Kiswa-mutyima kyobe kilongeke, pamo na momwa mūlu, ne pano pa ntanda pene.” (Mateo 6:9, 10) Le Bulopwe bwa Leza i bika? Le buloñanga bika? Ne mwanda waka tufwaninwe kwibulomba?
Yesu ye Mulopwe wa Bulopwe bwa Leza.
Luka 1:31-33: “Ukamwinika bu Yesu. Uno’u ukekala mukatampe kadi uketwa bu Mwana wa Mwine wa Peulu Mwine, kadi Yehova Leza ukamupa lupona lwa shandi Davida, kadi ukabikala bu Mulopwe pa njibo ya Yakoba nyeke, ne Bulopwe bwandi kebukekalapo na mfulo.”
Bulopwe, o wādi mutwe wa mwanda wa musapu wa Yesu.
Mateo 9:35: “Yesu nandi washilula kupita mu bibundi byonso bikatampe ne bityetye, ufundija mu mashinankonka abo ne kusapula myanda miyampe ya Bulopwe koku ubelula misongo ya miswelo yonso ne bulema bwa miswelo yonso.”
Yesu wāpele bandi bana ba bwanga kiyukeno kya kwibakwasha bayuke kitatyi kikāya Bulopwe.
Mateo 24:7: “Mwanda muzo ukatamba muzo mukwabo ne bulopwe nabo bulopwe bukwabo, kadi kukekala bimpengele bya nzala ne kutenkana kwa ntanda byadi koku kebidi koku.”
Pano bana ba bwanga ba Yesu basapulanga Bulopwe ntanda yonso.
Mateo 24:14: “Kadi ino myanda miyampe ya Bulopwe ikasapulwa pa ntanda yonso ikelwe na bantu mwanda wa bukamoni ku mizo yonso, ebiya mfulo keiya.”
Tala'po Bidi ne Bino:
BIPANGUJO BYA MU BIBLE BILONDOLWELWE
Lelo Bulopwe bwa Leza I Bika?
Tala kine kinenenwa’mba buludiki bwa Leza i butabuke maludiki makwabo onso.
ESSENTIAL BIBLE TEACHINGS
Le Bulopwe bwa Leza I Bika?
Yesu paādi usapula, wāfundije bininge myanda ya Bulopwe bwa Leza kupita’ko myanda mikwabo. Mu tutwa twa myaka, balondi bandi nabo bālombele buno Bulopwe bwiye.
