Bubela 1: Muya Keufwangapo

Le buno bubela butambile kwepi? “Bafilozofe babajinji Bene Kidishitu bāselele mulangwe wa Bangidiki wa muya keufu ne kufundija amba Leza i mupange muya ne kwiukuja mu umbidi wa muntu pa kwimitwa.”—The New Encyclopædia Britannica (1988), Volime 11, paje 25.

Lelo Bible unena’po bika? “Mūya uloñanga bubi, kufwa ukafwanga.”—Ezekyele 18:4.

Bible unena pangala pa kupangwa kwa muntu umbajinji amba: “Yehova Leza wābumba muntu ku biloba bya panshi kadi wāpuila mu mapunge andi umpuya wa būmi, ne muntu wāikala ke muya [Kihebelu, neʹphesh] mūmi.”—Ngalwilo 2:7, New World Translation.

Kishima kya Kihebelu neʹphesh, kyalamwinwe bu “muya,” kishintulula ‘kipangwa kyesa.’ Leza pa kupanga Adama, muntu mubajinji, kākujijepo mwadi muya keufu, ino wāmoile bukomo bwa būmi, bukwatakanibwa na kwesa. Nanshi mungya Bible, “muya” i kipangwa kyūmi kituntulu. Shi bukomo bwa būmi bwāpēne Leza ku ngalwilo busansane na muya, nabya muya ubafu.—Ngalwilo 3:19; Ezekyele 18:20.

Lufundijo lwa muya keufu i lulupule bipangujo: Le myuya yendanga kwepi pa kupwa kufwa? Lelo i bika bifikilanga myuya ya babi? Pāitabije bantu betela bu Bene Kidishitu buno bubela bwa muya keufu, kino kyēbatwele ku kwitabija bubela bukwabo—ke bwa kalunganyembo ka mudilo kadi.

Dingakanya na ano mavese a mu Bible: Musapudi 3:19; Mateo 10:28, Myanda Miyampe ku Bonso; Bilongwa 3:23, NW

NA BUBINE:

Muntu shi wafu kakidi’kopo

[Kifwatulo pa paje 4]