MALONDOLOLO KU BIPANGUJO BIMANINE PA BIBLE

Le Kudi Kikulupiji pa Bafwile?

Lufu ludi pamo bwa tulo mu buluji bwa amba, bafwe kebadipo kyobayukile kadi kebabwanyapo kulonga kintu. Ino, Umpangi wa būmi ubwanya kujokeja bafwile ku būmi kupityila ku lusangukilo. Leza pa kuleta bukamoni bwa uno mwanda, wāpele Yesu bukomo bwa kusangula bantu bavule.​—Tanga Musapudi 9:5; Yoano 11:11, 43, 44.

Leza wālaile amba bafwe badi mu luté lwandi bakasangwilwa ku būmi mu ntanda mipya ya boloke. Boba bakasangulwa bakidi nyeke mu lufu kufika ne kitatyi kikebapa Leza būmi monka. Leza Mwine Bukomo Bonso udi na mēlu a kwingidija bukomo bwandi mwanda wa kujokeja bafwile ku būmi.​—Tanga Yoba 14:14, 15.

Le Lusangukilo Lukekala Namani?

Leza pakasangula bantu, bakabwanya kwiyuka abo bene, kuyuka balunda nabo ne bisaka byabo. Nansha shi umbidi wa muntu ubaoneka, Leza ubwanya kumusangula na umbidi mupya.​—Tanga 1 Kodinda 15:35, 38.

I bantu batyetye kete basangwilwanga momwa mūlu. (Kusokwelwa 20:6) Bantu bavule bakasangulwa bakajokela ku būmi mu paladisa ikajokejibwa pano pa ntanda. Bano bantu bakapebwa ngitu ifufuma, na kyepelo kya būmi bwa nyeke.​—Tanga Mitōto 37:29; Bilongwa 24:15.

Shi usaka kuyukila’ko bivule, tala shapita 6 ne 7 wa dino dibuku, dilupwilwe na Batumoni ba Yehova

Ditūdilwe mwanda wa kusela pawww.mt1130.com