Bipangujo bya mu Bible Bilondolwelwe
Le i bāni bakenda mūlu, ne mwanda waka?
Bantu midiyo ne midiyo basakanga kwenda mūlu. Yesu wānene amba batumibwa bandi ba kikōkeji bakenda’mo. Kumeso kwa aye kufwa, wālaile kukebateakenya aye ne Shandi wa mūlu kifuko kyabo.
Mwanda waka bantu ba pano panshi bakasangwilwa momwa mūlu? Le bakalonga’mo bika? Yesu wāsapwidile batumibwa bandi amba bakekala balopwe. Bakaludika ino ntanda.
Lelo bantu bonso bayampe bendanga mūlu?
Mu matanda mavule, i enka bantu batyetye kete baludikanga. Bisangwilanga Yesu bantu momwa mūlu amba bakaludike ino ntanda, tufwaninwe kukulupila amba boba batongelwe i batyetye. (Luka 12:32) Bible utelelela bungi bwine bwa bantu bakaludika na Yesu.
Yesu wāteakeninye balondi bandi kifuko momwa mūlu. Le uyukile byobakalonga’mo?
Ke enkapo boba bakenda mūlu bakapalwa mpalo. Babikalwa ba kikōkeji ba Bulopwe bwa Yesu bakekala na būmi bwa kubulwa mfulo mu paladisa ikajokejibwa pano panshi. (Yoano 3:16) Bamo bakatwela mu Paladisa na kupanda ku bonakani bwa ino ngikadilo mibi ya bintu. Bakwabo bakatwela’mo kupityila ku lusangukilo.
Tala'po Bidi ne Bino:
BIPANGUJO BYA MU BIBLE BILONDOLWELWE
Le I Ani Ukenda Mūlu?
Bantu bavule badi na milangwe ya bubela amba bantu bonso bayampe bakenda mūlu. Le i bika bine bifundija Bible?
BIPANGUJO BYA MU BIBLE BILONDOLWELWE
Lelo Lusangukilo I Bika?
Ubwanya kutulumuka pa boba bakasangulwa mu mafuku a kumeso.
