Bible udi uleja ne: Satana Diabolo mmuntu mulelela. Anu bu ntunga mulongo wa benzavi udi ne bukole bua bungi, Diabolo udi ukuata mudimu ne “bimanyinu bia dishima” ne ‘udingangana’ bua kukumbaja disua diende. Bushuwa, Bible udi wamba ne: utu “udivuija bu muanjelu wa butoke.” (2 Tesalonike 2:9, 10; 2 Kolinto 11:14) Tudi tumona dikalaku dia Satana ku ntatu itu bantu bapeta.

 Kadi ki nDiabolo utu ukebesha makenga onso to. Bua tshinyi tudi tuamba nanku? Nzambi wakafuka bantu ne bukole bua kusungula bua kuenza tshidi tshimpe ne tshidi tshibi. (Yoshua 24:15) Padi muntu wangata mapangadika mabi, udi upuola tshidiye mukune.​—Galatiya 6:7, 8.