Tshilejilu tshia mu Bible:

• Luk 9:46-48—Yezu wakabela bapostolo bende pavuaye mumone ne: bavua ne lungenyi lua didibandisha mu mioyo yabu

Tshilejilu tshia mu Bible:

• Gen 6:5-7—Bubi buvua mu muoyo wa muntu buakakebesha tshikisu, kufikishabi Nzambi ku dilokesha mvula wa kabutu pa buloba bujima

• 1Bk 11:1-10—Mukalenge Solomo kakakuba muoyo wende to, bualu wakasela bakaji ba ku babende bavua basesuishe muoyo wende kudi Yehowa

• Mâk 7:18-23—Yezu wakaleja ne: mu muoyo ke mudi mufumina majinga onso mabi adi anyanga muntu ku mêsu kua Nzambi

Tshilejilu tshia mu Bible:

• Ef 6:14-18; 1Ts 5:8—Pavua mupostolo Paulo umvuija bia mvita bia mu nyuma wakaleja ne: buakane, ditabuja, ne dinanga bidi mua kukuba muoyo wetu wa mu tshimfuanyi anu mutu tshibuikilu tshia pa tshiadi tshikuba dimuma dia muoyo

Tshilejilu tshia mu Bible:

• 2Ku 25:1, 2, 17-27—Mukalenge Amasaya wakenza malu mimpe ku mêsu kua Nzambi munkatshi mua tshikondo kampanda, kadi ki nne muoyo mujima to; mu kupita kua matuku wakadibandisha, kupangaye lulamatu; nunku wakakenga bua bualu abu

• Mat 7:17-20—Yezu wakaleja ne: anu mutu mutshi mubi ukuama bimuma bibi, tuetu ne muoyo mubi netuenze malu mabi

Tshilejilu tshia mu Bible:

• 2Bk 20:1-6—Mukalenge Hezikiya uvua mulamate Yehowa ne mumuenzele mudimu ne muoyo mujima, nunku pakasamaye ukeba kufua wakamusengelela bua amuambuluishe umvue bimpe

• Mat 21:28-32—Yezu wakafila tshilejilu tshidi tshileja ne: malu adi mu muoyo wa muntu adi amuenekela ku malu adiye wenza, kadi ki nku malu adiye wamba ne: neenze to

Tshilejilu tshia mu Bible:

• 1Sm 16:1-13—Muprofete Samuele wakamanya ne: tshimuenekelu tshietu katshiena ne mushinga kudi Yehowa to, bualu yeye udi umona mu muoyo

• 2Ku 6:28-31—Disambila divua mukalenge Solomo muenze pavuabu babanjija ntempelo wa Yehowa diakaleja ne: Yehowa mmumanye bimpe tshidi mu mioyo ya bantu ne udi ubatabalela