Bantu badi bela meji ne: kakuena tshia kuenza bua malu atufikila mu 2024 to. Kadi tuetu tudi mua kutekemena malu mimpe kumpala eku. Nkuepi kutudi mua kupetela ditekemena adi?

 Bible udi ulaya ne: Nzambi neajikije ntatu yonso idi mitufikishe ku dipangila ditekemena. Mu katupa kîpi emu, Nzambi “neakupule tshinsonji tshionso ku mêsu [kuetu], ne lufu kaluakuikalaku kabidi.”​—Buakabuluibua 21:4.

•   Bua kumanya malu makuabu adi atangila milayi ya mu Bible ya matuku atshilualua, bala tshiena-bualu tshia “Ditekemena dilelela dia matuku atshilualua mimpe.”

 Bible udi utupetesha ditekemena bua matuku atshilualua didi mua kukuambuluisha bua kulekela kudiumvua bibi ne bua kuikala ne mmuenenu muimpe wa malu. (Lomo 15:13) Mibelu mimpe ya mu Bible idi kabidi mua kukuambuluisha bua kumanya mua kupita bimpe ne ntatu iudi mua kupeta lelu bu mudi bupele, kansungansunga, ne masama.

•   Mona muvua ditekemena didi Bible utupetesha diambuluishe tatu mukuabu bua kuikala ne disanka ne ditalala nansha muvuaye ne nsombelu wa bupele. Tangila filme wa Juan Pablo Zermeño: Yehowa wakampetesha nsombelu wa nsongo.

•   Mona mudi Bible mua kukuambuluisha bua kumanya mua kupita bimpe ne didipisha, kanyinganyinga, dibungama dikole, ne difuisha muntu. Bala tshiena-bualu tshia “La Bible peut-elle m’apporter du réconfort?”

•   Mona muvua Bible mupeteshe mamu mukuabu uvua musalayi ditekemena. Mamu au uvua mumvuije muvuaye mu mîdima ne muvua bantu kabayi mua kusomba nende. Tangila filme wa J’ai déposé les armes.

 Enza bua tshidimu tshia 2024 tshikale tshia malu malenga buebe wewe ne bua bena mu dîku diebe. Manya malu makuabu a mudi Bible mua kukuambuluisha. Itaba bua kulonga Bible tshianana kuyi ufuta makuta. Manya mudi Nzambi mua kukupesha “meji a ditalala” mpindieu ne “matuku atshilualua mimpe ne ditekemena.”​—Yelemiya 29:11.