E higa mar 2013 dwe mar Jun, koth moro maduong’ ne ochue e Central Europe ma omiyo aoche man kuno opong’ ma oo. E piny Hungary, aora moro miluongo ni Danube nopong’ thich moloyo kaka ojapong’ga.

Masira ma notimoreno nomiyo joma ochung’ ne masira kaka mago e piny Hungary odhi e Ofis Joneno mag Jehova manie pinyno ka gikwayo mondo okonygi e geng’o masira ma ne kodhno okelo. Ofis noyie gi wachno kendo ne gikwayo kanyakla mopogore opogore man machiegni gi aora Danube mondo okony e geng’o masirano ka itayogi gi jotend sirkal man e alworano.

Owetego ne ochiwore chuth gi chunygi duto. Bang’ mano, joneno mokalo 900 ma a e kanyakla 72 mopogore opogore nokonyo e loso kuonde ma ne pi oketho. Nonyisgi ni girwak baj moro mondik ni “Joneno mag Jehova.” Bajno bende noting’o nyinge jonenogo kaachiel gi taonde ma giaye.

E taon moro, achiel kuom joma tiyo gi Red Cross e piny Hungary nondiko ne kanyakla moro kowacho niya: “Wa goyonu erokamano ahinya, tek ahinya yudo joma oyie a kuonde maboyo kendo moikore tiyo kanyachiel e konyo jomoko! Amor ahinya gi ranyisi maber ma uketonwa e taondwani!”

Jal moro ma en achiel kuom joma tiyo e Parliament ma Hungary kendo ma bende ochung’ ne kambi ma konyo joma oyudo masira, nooro barua ne Ofis Joneno man e pinyno kogoyo erokamano kuom kony ma ne gichiwo.