Zaburi 34:1-22
Zaburi ma Daudi nondiko ka nowuondore ni ojaneko+ e nyim Abimelek, mi Abimelek oriembe.
א [Aleph]
34 Abiro pako Jehova kinde duto,Kendo ok nawe pake seche duto.
ב [Beth]
2 Abiro dendo Jehova;+Jo mamuol nowinja, mi ginibed mamor.
ג [Gimel]
3 Wahuluru duong’ mar Jehova kanyachiel;+Wating’uru nyinge malo.
ד [Daleth]
4 Ne akwayo Jehova kony, mi ne odwoka.+
Notiekona luoro duto ma ne an-go.+
ה [He]
5 Wenge jo ma oketo genogi kuome rieny,Kendo wigi ok kuod ngang’.
ז [Zayin]
6 Jal ma sandore ne oluongo Jehova, mi nowinje.
Ne orese e chandruogene duto.+
ח [Heth]
7 Malaika mar Jehova ogoyo kambi kolworo jo ma oluoro Nyasaye,+Kendo oresogi.+
ט [Teth]
8 Bil mondo ine kaka Jehova ber;+Ng’at mamor en ng’at moketo Nyasaye kar bwokne.
י [Yod]
9 Luoruru Jehova un joge duto maler,Nimar jo moluore yudo gik moko duto ma gidwaro.+
כ [Kaph]
10 Kata mana sibuor ma nigi teko nyalo koso chiemo,To jo ma manyo Jehova ok bi chando gimoro amora maber.+
ל [Lamed]
11 Biuru nyithinda, winjauru;Abiro puonjou luoro Jehova.+
מ [Mem]
12 Ng’ano kuomu ma dwaro ngima maber,Kendo ma gombo dak aming’a?+
נ [Nun]
13 Ng’atno onego ogeng’ lewe kik wach weche maricho,+Kendo ogeng’ dhoge kik wach miriambo.+
ס [Samekh]
14 Olokre owe richo, kendo otim gik mabeyo,+Omany kuwe kendo oluwe.+
ע [Ayin]
15 Wenge Jehova ng’iyo jo makare,+Kendo ite winjo ywakgi.+
פ [Pe]
16 To wang’ Jehova mon gi jo ma timo richo,Kendo omiyo wich wil kodgi e piny.+
צ [Tsade]
17 Jo makare noywak ne Jehova mi nowinjogi;+Noresogi e chandruogegi duto.+
ק [Qoph]
18 Jehova ni machiegni gi jo ma chunygi onyosore,+Kendo oreso jo ma chunygi ool.+
ר [Resh]
19 Ng’at makare yudo chandruoge mang’eny,+To Jehova rese kuomgi giduto.+
ש [Shin]
20 Orito chokene duto,Ma kata achiel kuomgi ok otur.+
ת [Taw]
21 Masira biro nego jo ma timbegi richo,Kendo bura nolo jo ma osin gi jo makare.
22 Jehova reso ngima jotichne,Bura ok nolo ng’ato ang’ata mokete kar bwokne.+
