Dwarorega ni warit maber gigewa ma nengogi tek, kuom ranyisi ot kata mtoka. Osiep manie kindi gi Nyasaye bende dwarore ni irit maber. Ere kaka ibiro timo mano bang’ batiso?

E sulani

•  Dhi nyime puonjori Wach Nyasaye

•  Dhi nyime wuoyo gi Jehova e lamo

•  Dhi nyime lando wach maber

•  Dhi nyime makori gi chokruoge mag Jokristo

 Ndiko maduong’: “[Dhiuru] nyime nyago olemo e tije mabeyo duto, kendo umed bedo gi ng’eyo malong’o chuth kuom Nyasaye.”​—Jo-Kolosai 1:10.

 Tiend wachno: Bang’ batiso, biro dwarore ni idhi nyime somo Muma kendo paro matut kuom gik misomo.​—Zaburi 25:4; 119:97.

 Pek ma nyalo betie: Seche moko, ibiroga winjo ka ok igomb somo Muma kata puonjori. Inyalo kata ng’ado e chunyi ni in somo ohingi.

 Gima inyalo timo: Non matut weche moko ma mori e Muma. Los chenroni iwuon mar puonjruok Muma, to obed chenro ma ok bi turi. Gomboni maduong’ en medo hero Jehova kod Wachne. Puonjruok e yo ma kamano biro konyi kendo obiro bedoni mamit.​—Zaburi 16:11.

 Gima nyalo konyi: Mondo iyud ber mathoth sama ipuonjori, bed kama okuwe ma onge gik ma nyalo chochi.

 Be diher gik mamoko ma nyalo konyi?

•   Som:

   “Ere Kaka Muma Nyalo Konya?​—Kare mar 2: Ket Somo Muma Obed Mamit”

   “Ere Kaka Anyalo Puonjora Keto Pacha Kuom Gik ma Atimo?”

•   Ne:

   Gik ma Mbeseni Wacho—Somo Muma

•   Download:

   “Chenro mar Somo Muma”

 Ndiko maduong’: “Kik uparru e wi gimoro amora, to kuom gik moko duto, kulamo kendo kusayo kaachiel gi goyo erokamano, nyisuru Nyasaye kwayou.”​—Jo-Filipi 4:6.

 Tiend wachno: Wuoyo gi Nyasaye oriwo weche ariyo: Iwinjo dwonde sama isomo Wachne, to en owinji sama ilamo. E lamo, inyalo kwayo Nyasaye gik midwaro, kendo goyone erokamano kuom gik mosemiyi.

 Pek ma nyalo betie: Nitie seche ma lamo magi nyalo bedo gik minwoyo anwoya kata ma ok owuok e chunyi. Inyalo kata mana chako bedo gi kiawa ka be Jehova winji adier.​—Zaburi 10:1.

 Gima inyalo timo: E odiechieng’ mangima, par kuom gik minyalo wacho e lamo. Ka chal mari ok oyieni lemo e wi wach moro sama ipare, inyalo keto wachno e pachi mondo ilemie bang’e chieng’no. Lam e wi dwaro magi kod mag jomamoko bende.​—Jo-Filipi 2:4.

 Gima nyalo konyi: Kifwenyo ni lamo magi ok wuog e chunyi, nyis Jehova wachno. Doher winjo gik moko duto ma chandi, moriwo nyaka gik ma chandi e wi lamo magi.​—1 Johana 5:14.

 Be diher gik mamoko ma nyalo konyi?

•   Som:

   “Ang’o Momiyo Onego Alem?”

•   Download:

   “Jinsi ya Kuboresha Sala Zako”

 Ndiko maduong’: “Sik ka inonori iwuon kendo ka inono weche ma ipuonjo. . . . Kuom timo kamano, iniresri iwuon kendo inires jo ma winjo weche mipuonjo.”​—1 Timotheo 4:16.

 Tiend wachno: Sama ilando ne jomamoko wach maber, in be yie mari medo bedo motegno. Nikech mano, inyalo reso joma oyie winji, to in be iresori.

 Pek ma nyalo betie: Seche moko, inyalo winjo kionge siso mar lero ne jomamoko yie mari. Inyalo kata luor timo kamano, to ahinya-ahinya e skul.

 Gima inyalo timo: Ng’ad e chunyi ni ok ibi yie mondo luoro kod paro moko ma ok beyo ochik yiero mitimo. Jaote Paulo nondiko kama: “Kata ka [ayalo wach maber] to chunya ok dwar, pod an gi tich mosemiya mar bedo jarit.”​—1 Jo-Korintho 9:16, 17.

 Gima nyalo konyi: Kwa jonyuolni mondo gikonyi mako osiep gi Jakristo moro ma ketoga ranyisi maber e tij lendo kendo ma nyalo jiwi.​—Ngeche 27:17.

 Be diher gik mamoko ma nyalo konyi?

•   Som:

   “Kwa Nini Ninaogopa Kuhubiri?”

 Ndiko maduong’: “Wadewreuru mondo wajiw hera kod timbe mabeyo, ma ok wajwang’ bedo e chokruogewa kanyachiel.”​—Jo-Hibrania 10:24, 25.

 Tiend wachno: Gima duong’ momiyo wadhiga e chokruoge en lamo Jehova. Kata kamano, nitie ber mamoko ariyo miyudoga sama idhi e chokruoge. Mokwongo, Jokristo weteni jiwi. Mar ariyo, ijiwo joweteni sama in e chokruok kendo ichiwo paro.​—Jo-Rumi 1:11, 12.

 Pek ma nyalo betie: Seche moko, pachi nyaloga kwang’ e chokruok ma puonj moro maduong’ bayi. Kata, inyalo chako bari ne chokruoge moko, kata yie mondo dije mamoko kaka mag skul omoni dhi e chokruoge.

 Gima inyalo timo: Ng’ad e chunyi ni ibiro dhi e chokruoge duto kendo yudo ber e chokruogego, ka e sechego bende ok ijwang’o weche mag skul. Tem ahinya mondo ichiw paro. Bang’ chokruok, pwo kata mana ng’ato achiel kuom paro ma nochiwo.

 Gima nyalo konyi: Ikri chon. Ket JW Library® e masindi, kendo iti gi kare mar “Meetings” e nono gik midhi wuoye e chokruok.

 Be diher gik mamoko ma nyalo konyi?

•   Som:

   “Kwa Nini Uhudhurie Mikutano ya Kikristo?”