Kja nu dibujo ke kuatrʼꞹ a jodye jñetsʼe kʼo mbeñeji na punkjꞹ ntee ke ra kjogꞹ kja nu Día del Juicio. Mbeñeji ke kja nu Día del Juicio na punkjꞹ almas ra jmurꞹji a jmii o trono e Yose ngekʼua ra jñꞹmpꞹji nguenda kʼo go tsjaji: janziyo ra ma mimiji a jensʼe ñe janzi ra ma sufreji kja infierno. Nʼaño kʼo jizhi ne Biblia, jizhi ke kja nu Día del Juicio ra nguarꞹ nrrexe yo injusticia yo bʼꞹbʼꞹ kja nu xoñijomꞹ (Salmo 96:13). E Jesús nge kʼa Juez kʼꞹ go ñʼeme e Yose ngekʼua ra tsjaa justicia. (Xørꞹ Isaías 11:​1-5 ñe Hechos 17:31.)

E Ádan kʼe otrʼꞹ bʼɇzo dya go dyⱥtⱥ e Yose Jehová. Ngekʼua, nrrexe o trʼii ri pɇsʼiji pecado, ri suprjeji ñe ri tu̱ji (Romanos 5:12). E Jesús ra tsjaa justicia ma ra tsjapꞹ ra tetrjo na punkjꞹ ntee ke ya nrru̱u̱. Ne libro bíblico ke ni chju̱u̱ Revelación, o Apocalipsis, mama ke e Jesús ra tsjakʼo ma ra manda mil kjɇɇ. (Xørꞹ Revelación 20:​4, 11, 12.)

Ne capítulo 20 de Revelación mama ke ra bʼꞹbʼꞹ nuevos rollos, ngekʼua, yo ra tetrjoji na yeje dya ra juzgaji por nu kʼo go tsjaji ante ke o nrru̱ji, ra juzgaji por nu kʼo ra tsjaji ma ra pjechiji yo tʼøpjꞹ kja yo nuevos rollos (Romanos 6:⁠7). E apóstol Pablo go nⱥdʼⱥ “yo justos ñe yo injustos” ma go ñaa ke ra bʼꞹbʼꞹ ntee ke ra tetrjoji na yeje ñe ra unꞹji kʼe oportunidad ra mba̱ra̱ji e Yose. (Xørꞹ Hechos 24:15.)

Texe yo ntee yo go nrru̱ji pe dya go mba̱ra̱ji e Jehová ñe dya go tsjaji kʼo nee angeze ra mbɇsʼiji dʼa oportunidad ngekʼua ra tsjajikʼo. Ma ra pøtꞹji, ra jñetsʼe ke o mbɇsʼiji “dʼa resurrección de vida”. Pe, janzi ke ra resucitaoji dya ra nee ra dyⱥtⱥji e Yose ngekʼua ra mbɇsʼiji dʼa “juicio [condenatorio] ”. (Xørꞹ Juan 5:​28, 29 ñe Isaías 26:​10; 65:20.)

Kja kʼe Día del Juicio ke ra mezhe mil kjɇɇ, e Jehová ra mbøsʼꞹ yo ntee ngekʼua ra mbɇzhiji perfectos (1 Corintios 15:​24-​28). ¡Mi na zøø yo ra chʼarpꞹ e Jehová texe yo ra dyⱥtⱥji angeze! Ra bʼꞹbʼꞹ dʼa prueba final ma e Jehová ra jiɇzi ke ne Diablo ra mbedye kja kʼe abismo nu ja bi ngontrʼꞹ yo mil kjɇɇ. E Satanás ra jodʼꞹ pje ra tsjaa ngekʼua yo ntee ra xo̱gaji e Jehová, yo dya ra zꞹtꞹji e Satanás ra mimiji texe yo paa kja ne Xoñijomꞹ. (Xørꞹ Isaías 25:8 ñe Revelación 20:​1, 7-9.)

Jio. Ne Biblia xo nⱥdʼⱥ nʼaja día de juicio. Ngeje ma e Yose ra kjuatꞹ nu actual sistema mundial. Kʼe día ra zⱥdʼⱥ ma dya kjo rgi tebʼe, nzakja kʼe Diluvio kja kʼo paa e Noé, ma go nrru̱ji texe kʼo ma sʼonteji. Ya chɇzhi kʼo paa ma ra kjuatrꞹji “yo hombres impíos”, o yo na sʼonteji, ngekʼua ra bʼꞹbʼꞹ nʼa dʼadyo sociedad humana “ja kʼo ra bʼꞹbʼꞹ justicia”. (Xørꞹ 2 Pedro 3:​6, 7, 13.)