¿Ja ga søø ri mⱥjⱥge ma ri xørꞹ ne Biblia ñe ri tsjage kʼo gi pjechi? Ñuge yo tsichʼa kʼo go mbøsʼꞹji na punkjꞹ ntee ro tsjajiyo.

Ñuge nu ja søø ri xørꞹ na joo. Jyodʼꞹge k’ua dya kjo nzheñe. Dya kjo ra tsʼaxkʼꞹ ri xørꞹ, xo ra ñetsʼe na joo ñe ma pjɇsʼi nu ndajma nuʼma xenda ri xørge na joo ne Biblia.

Xøkꞹ na joo in pjeñe ma ri xørꞹ. E Palesito ajensʼe o chatrʼkʼøji ne Biblia. Ra mbøxkøji yo ra zopjꞹji ma ra kjaji nzakja dʼa tsʼitrʼi kʼꞹ nee ra pjechi kʼo xipji nu tata. Dya ri tsjijñi ke ne Biblia dya søø ra mbøxkʼꞹ, jyɇzige ke e Yose ra jitsʼi (Salmo 25:⁠4).

Ma ri pjꞹrꞹ ri xørꞹ, dyøtke e Yose. Ne Biblia ngeje o Jñaa e Diosi, ngekʼua ne jyodʼꞹ ke ra mbøxkꞹji ra pa̱ra̱ji. Angeze mama ke ra unꞹ o zɇzhi nujyo ra dyøtꞹ (Lucas 11:13). Kʼꞹ in zɇzhi ra søø ra mbøxkʼꞹ ri pa̱ra̱ ja ga ngijñi e Yose. Y​ma ra kjogꞹ yo paa ri meyage “texe kʼꞹ ya mbeñe Mizhokjimi” (1 Corintios 2:​10).

Zopjꞹ ngekʼua ri tendio. Dya ngextrjo ri xørꞹ. Tsjijñige yo na xørꞹ. Dyontsʼege: “¿Pje ma cualidades pɇsʼi kʼe ntee de nujyo gi xørꞹ? ¿Ja rga søø ra kjagø yo rra pjechi?”.

Kjijñige na joo kʼo gi nee. Mbeñege ja rga mbøxkʼꞹ ñe ri mⱥjⱥ ma ri pjechke kʼo mama ne Biblia. Søø ri kjijñige pjekja gi nee ri pa̱rge e Yose, ngekʼua ra jontetsʼꞹ, ra mbɇtsige dʼa xira o dʼa suu kʼꞹ na joo, ñe xe dyaja. Xo juajnꞹ kja ne Biblia kʼꞹ søø ra mbøxkʼꞹ ri tsjageyo. a

Yo tsichʼa jñaa ra mbøxkʼꞹ ri pjꞹrꞹ, pe ¿ja rgi tsjapkʼe me rra mubi kʼo ri xørge kja ne Biblia? Ne  artículo ke ba e̱je̱ ra xitsʼi ja rgi tsjapꞹ.