¿Kjo go zⱥdʼⱥ yo profecía ke nⱥdʼⱥ ne Biblia ke e Jesús nge nu Mesías?
Kʼo jizhi ne Biblia
Ja̱a̱. Ma go mimi kja nu xoñijomꞹ, e Jesús o cumple na punkjꞹ profecía ja tʼøpjꞹ ke angeze ro mbɇzhi “e Mesías, nu Líder”, ñe nu “Salvador del mundo” (Daniel 9:25; 1 Juan 4:14). Ma ya bi tetrjo e Jesús o sido o cumple na punkjꞹ profecía (Salmo 110:1; Hechos 2:34-36).
¿Pje nee ra mama ne título Mesías?
Kja hebreo ne título Maschíaj (Mesías) ñe kja griego Kjristós (Cristo) nee ra mama “Ungido”. Ngekʼua, ne título Jesucristo nee ra mama “Jesús el Ungido” o “Jesús el Mesías”.
Mi jangua, ma kjo ro ñesʼeji ro manda pɇski ro xisʼiji acete kja o ñiʼi a kjano ro jñetsʼe ke mi ngeje nu ungido (Levítico 8:12; 1 Samuel 16:13). E Diosi o ñesʼe e Jesús nzakja nu Mesías, ngekʼua ro manda (Hechos 2:36). Pe dya go xisʼi acete kja o ñiʼi, ma go unꞹ o espiritu santo o jñetsʼe ke bi ungio (Mateo 3:16).
¿Dʼatrjo ntee kʼꞹ ro cumple yo profecía mesiánica?
Ja̱a̱. Nzi dʼaja nte pɇsʼi dʼa huella digital ke dya chjɇbi ko yo dyaja, je xo ga kjano kja yo profecía bíblica nⱥdʼⱥji dʼatrjo Mesías o Cristo. Ngekʼua ne Biblia mama na advertencia: “Ra nzhodʼꞹji kʼo ra manji ngeji e Cristo ñe kʼo profeta ke na mbɇchjine, angezeji ra tsjaji kʼo me ri kenchjoji yo ntee ngekʼua ra jyotrʼꞹji, xo rgi dyømpꞹji yo escogido” (Mateo 24:24).
¿Ja rga pa̱rgøji ke nu Mesías dya ro sⱥjⱥ en el futuro?
Na ngeje kja ne Biblia a bi dyøpjꞹji ke nu Mesías ro mbedye kja o pjamilia k’e rey David (Salmo 89:3, 4). Kʼo romano o chjotrꞹji e Jerusalén kja kʼe kjɇɇ 70 a, ngekʼua go bʼɇzhiji yo registro nuja mi ju̱sʼꞹ kjo mi ngeje o pjamilia e rey David. Nrreze kja kʼo paa, dyakja, kjo søø ra demostrao ke je ni ñe̱je̱ kja o pjamilia e David. Pe, kja kʼo paa kꞹ go mimi e Jesús xi mi pɇsʼiji yo registroyo, ngekʼua, zø ma punkjꞹ mi ꞹmbʼꞹji e Jesús dya mi søø ro ngⱥdʼⱥji ke angeze mi ñe̱je̱ kja o pjamilia e David (Mateo 22:41-46).
¿Janzi profecía mesiánica go jñu̱sʼꞹji kja ne Biblia?
Dya søø ra manji dʼaja cantidad. Nrre nʼaño jaga pezheji yo profecía mesiánica ke ba e̱je̱ kja Biblia. Nzakja yo tʼøpjꞹ kja Isaías 53:2-7, nujnu ba e̱je̱ nrre nʼaño suceso kꞹ ro cumple kʼe Mesías. Bʼꞹnkʼo manji ke trexe yo ju̱sʼꞹnu ngeje dʼatrjo profecía, pe xo bʼꞹnkʼo manji ke nrri dʼaja suceso ngeje dʼa profecía.
¿Janzi profecía mesiánica bo cumple e Jesús?
Kʼo o kjogꞹ |
Nu Profecía |
Ja ba cumple |
|---|---|---|
Ru̱ mboxbʼeche kja o pjamilia e Abrahán |
||
Ru̱ mboxbʼeche e Isaac o trʼii e Abrahán |
||
Ru̱ mbedye kja o tribu e Judá |
||
Ru̱ mbedye kja o pjamilia kʼe rey David |
||
Na virgen ro jmusʼꞹ |
||
Ro jmusʼꞹji a Belén |
||
Ru̱ jñu̱spʼꞹji Emmanuel b |
||
O pjamilia dya ro jꞹꞹ na punkjꞹ merio |
||
Ma go jmusʼꞹji o mbøtrʼꞹji na punkjꞹ tsʼitrʼi |
||
Ru̱ kuɇñe a Egipto |
||
Ro ma̱ra̱ ru̱ ngeje Nazareno c |
||
Dʼaja mensajero ro otrʼꞹ angeze |
||
Ro mbɇzhi nu mesías kja kʼe kjɇɇ 29 d |
||
E Diosi ru̱ mama mi ngeje o Trʼii |
||
Me mi sʼiya o ngumꞹ Mizhokjimi |
||
O nⱥdʼⱥ o Jñaa Mizhokjimi |
||
Kʼo go nⱥdʼⱥ a Galilea mi nzakja na jyasʼꞹ |
||
O tsjaa milagro nzakja e Moisés |
||
Nzakja e Moisés o nⱥdʼⱥ o Jñaa Mizhokjimi |
||
Angeze bo jokꞹ kʼo mi sødye |
||
Dya mi nzhes’e |
||
Me mi juents’e k’o mi supjreji |
||
Go jizhi o justicia Mizhokjimi |
||
Mi ngeje na Maravilloso Consejero |
||
Go nⱥdʼⱥ o trju̱u̱ e Jehová |
||
O jizhi na punkjꞹ ejemplo |
||
Mi ngeje dʼa Líder |
||
Na punkjꞹ ntee dya go creoji angeze |
||
Mi jandaji nzakja na piedra de tropiezo |
||
Dya mi neji |
||
Me mi ꞹmbʼꞹji zø ma jonte |
||
Ma o ngichi a Jerusalén ma chⱥgⱥtrjo na burru |
||
Kʼo tsʼitrʼi me go mⱥji ba unꞹji alabanza |
||
E Jehová go ñesʼe nzakja o representante |
||
Naja kʼꞹ mi jobi go nzhøø |
||
Go unꞹji 30 o moneda plata nukʼꞹ go mbøø e |
||
O amigoji go jiɇziji |
||
Go jyⱥsʼⱥji bʼɇchjine |
||
Ma o xospʼꞹji bʼɇchjine dya pje go mama |
||
O zøspʼꞹji a jmii |
||
O mbⱥrⱥji a ñiʼi |
||
O nrrasʼꞹji |
||
Ma o dyabꞹji dya o ñanatsjɇ |
||
Kʼo Gobernante o jyodʼꞹji ja rgua mbøtrʼꞹji |
||
O nrrⱥbⱥji o clavo kja o dyɇɇ ñe kja o nguaa |
||
Go eñeji ngekʼua ro nuji kjo nge kʼꞹ ro nrro̱jo̱ o bʼitu |
||
Bo nuji nzakja na pecador |
||
O zadʼꞹji, me mi ꞹmbʼꞹji |
||
Me go suprje ngekʼua ro mbøsʼꞹ ye ntee |
||
Bo dyønꞹ e Mizhokjimi pjenga bi jiɇzi |
||
O unꞹji ro zii vinagre ko hiel |
||
O trʼure ante kꞹ o nrru̱u̱ |
||
O jiɇzi o vida kja o dyɇɇ e Yose |
||
O nzhøø o vida |
||
O unꞹ o vida ngekʼua ro ngꞹꞹ e pecado |
||
Dya o guapkʼꞹji o ndødyɇ |
||
O chjømbꞹji o ximatrja |
||
E Jesús o dyogꞹji kua nzi ma dyogꞹji kʼo mi rico |
||
O yepe o tetrjo |
||
Dʼaja bʼɇzo o reemplazao e Judas |
||
Go mimi kja o jodyɇ e Diosi |
a Nu Cyclopedia kꞹ o dyøpjꞹbi e McClintock y Strong mama: “Søø ri mangøji ke yo registro nuja mi ju̱sʼꞹji yo tribu ñe yo familia judía o chjøtꞹji ma kʼo romano o nrrꞹtrʼꞹji e Jerusalén”.
b Ne jñaa hebrea Emmanuel, nee ra mama “E Mizhokjimi bʼꞹbʼꞹ ko nutsʼkʼøji”, pjøxkꞹji ra meyaji ne bʼɇpji kʼꞹ ro tsjaa e Jesús nzakja nu Mesías. Kʼo go tsjaa ma go e̱je̱ kja nu xoñijomꞹ go jizhi ke e Diosi me sʼiya yo ⱥtⱥji kʼo mama angeze (Lucas 2:27-32; 7:12-16).
c Ne jñaa Nazareno ba e̱je̱ kja nu jñaa hebrea nétser, kꞹ nee ra mama “brote”.
d Ma i nee ri pa̱ra̱ ja ga jizhi ne Biblia ke e Jesús go mbɇzhi ne Mesías kja kʼe kjɇɇ 29, xørꞹ ne artículo “El profeta Daniel predice la llegada del Mesías”.
e Ne profecía go dyꞹsʼꞹji kja ne libro ke ni chju̱u̱ Zacarías, pe e Mateo go mama ke mi nge “kʼꞹ bi mama e Jeremías” (Mateo 27:9). Bʼꞹma, ke libro ke ni chju̱u̱ Jeremías nge kʼꞹ mi otrʼꞹ kja ne sección de las Escrituras kꞹ mi xiji “los Profetas” (Lucas 24:44). Bʼꞹma ma e Mateo o nⱥdʼⱥ e “Jeremías” mi referio texe kʼe sección, kʼe libro Zacarías xo mi dʼajakʼꞹ.
Puede que también le interese
¡DESPERTAD!
Na judía mama pjenga go jyɇzi kʼo mi kreo
KʼO JIZHI O JÑAA E YOSE
Søø ri jñanrra ja rga jichijme yo ntee o Jñaa e Yose
Søø ra jitsʼiji kʼo mama ne Biblia, dya pje ri tsjontrʼꞹ.