Ma i pa̱rge na ntee kʼꞹ ñaa nʼaño idioma ñe i nee ri jichi yo skuama yo bʼꞹbʼꞹ kja ne sitio jw.org, o ma na pjechige nʼaño idioma, søø ri tsjaa kʼo mamaba ngekʼua ri chøtrʼꞹ skuama kja kʼe idioma.

•  Ja rgi potꞹ nu sitio kja nʼaño idioma

•  Xørge na skuama kja nʼaño.

•  Ja rgi chøtrʼꞹ na skuama kja nʼaño idioma

Ma ra mbedye ndexe yo idioma xo ri jñanrra ke nzi na idioma kuatrʼꞹ icono nzakja yo kuatrʼꞹba:

• Ma kuatrʼꞹnu na icono nu idioma. Ma ri unꞹ clic ra potꞹ nu sitio jw.org kja nu idioma kʼꞹ i jyodʼꞹ.

• Ma kuatrʼꞹnu na icono, nee ra mama ke ndexe yo jñaa kʼꞹ ju̱sʼꞹ kja ne sitio dya bʼe potꞹji kja kʼe idioma kʼꞹ i jyodʼꞹ. Pe ma ri unꞹ clic ri søø ri pjongꞹ skuama kʼꞹ ba e̱je̱ kja kʼe idioma.

• Mꞹ ri jñanrra na icono nzakjana, nge pa yo ntee yo ngone ñe yo ngogo.

  Ma kja ne sitio jw.org bʼꞹbʼꞹ kʼe lenguaje de señas kʼꞹ i jyodʼꞹ, mꞹ ri unꞹ clic texe ra potꞹ kja kʼe lenguaje de señas.

  Ma nrrexe kʼo ju̱sʼꞹ kja kʼe sitio jw.org dya bʼe potꞹji kja kʼe lenguaje de señas kʼꞹ i jyodʼꞹ, pe ri chøtrʼꞹ texe yo xiskuama ñe yo video kja kʼe lenguaje de señas.

Ma ri xo̱kʼꞹge nu icono nu ja mama juajnꞹ pje ma idioma, ri chøtrʼꞹ na punkjꞹ idioma. Ma dabadiji i nee ri chøtrʼꞹ na idioma, søø ri tsjage kʼo mamaba:

• Juajnꞹ kʼe idioma kʼꞹ i nee. Ma ri jñu̱sʼꞹ na idioma kʼꞹ pama i jñanrra, yo nziyo idioma kʼꞹ otrʼꞹ ra mbedye kja nu lista nge yo i jonkʼe ma i xokʼꞹ in sitiogøjme.

•   Jñu̱sʼꞹ nu idioma kʼꞹ i nee. Ma ri jñu̱sʼꞹ yo nziyo letra kja kʼe idioma kʼꞹ i nee, ra mbedye na punkjꞹ idioma, mꞹ a ri kjuarꞹ ri jñu̱sʼꞹ texe pje ni chju̱u̱ kʼe idioma, ngextrjo ra mbedye kʼe idioma kʼꞹ i jyodʼꞹ. Nzakja ma nu sitio nu i bʼꞹnkʼe nge jñatrjo, pe i nee ri potꞹ a “ñangicha” ri jñu̱sʼꞹ “español” o “ñangicha”. Ma ri jñu̱sʼꞹ kʼo letra, jmanchʼa jmanchʼa dya nrra ra mbedye na punkjꞹ ngextrjo ra mbedye yo idioma yo pjꞹrꞹ ko yo letra kʼꞹ i jyodʼꞹ.

1. Søø ri jyodʼꞹ ga kjaba. Søø ri tsjaa ga kjanu kja yo página kʼo mama Ri nee ra xørgø ne xiskuama kja.

Mꞹ i jonkʼe na tema kʼꞹ i nee ri xørꞹ o ke i nee ri jichi na ntee kja nʼaño idioma, ri jyodʼꞹ nu ja mama Ri nee ra xørgø ne xiskuama kja. Kjanu ri juajnꞹ pje ma idioma i nee. (Pe ma dya ri chøtrʼꞹ, nee ra mama ke dya bʼe pjongꞹji kʼe skuama kja kʼe idioma.)

Na mubi ri pa̱rge: Ma ri jñanrra kʼꞹ bʼꞹbʼꞹnu na tsʼiaudífono, nee ra mama ke kja kʼe idioma søø ri dyⱥrⱥ kʼe tema kʼꞹ i jonkʼe.

Ma ri unꞹ clic nu ja mama Ri nee ra xørgø ne xiskuama kja, ra mbedye nu tema kja kʼe idioma kʼꞹ i nee, pe ndexe ne sitio dya ra potꞹ kja kʼe idioma.

 2. Søø ri jyodʼꞹ ga kjaba. Ma nu tema nu ja i xørge dya bʼꞹbʼꞹ nu ja mama Ri nee ra xørgø ne xiskuama kja, ri jyodʼꞹma kja nu icono nzakja nu kuatrʼꞹba nu ja mama Juajnꞹ pje ma idioma. Ra potꞹ kja kʼe idioma ndexe kʼe sitio. Ma kʼe tema bʼꞹbʼꞹ kja kʼe idioma ke i jyodʼꞹ ri chøtrʼꞹgenu, ma jiyo dya ra mbedye, pe kʼe sitio ra mbedye kja kʼe idioma kʼꞹ gui juajnꞹ.

Jyodʼꞹ nu ja mama YO XISKUAMA, ri jyodʼꞹnu nu idioma kʼe i nee, kjanu ri unꞹ clic nu ja mama Jyodʼꞹ.

Bʼꞹbʼꞹ na punkjꞹ idioma kja nu lista, na joo ri juajnꞹ nu idioma ke i ñee ñe ri dyopjꞹ nu idioma ke gi ñee ngekʼua ra mbedye kʼo i jyodʼꞹ.

Ma bʼꞹbʼꞹ na punkjꞹ skuama kja nu idioma ke i jyodʼꞹ, nu página YO XISKUAMA ngextrjo janzi ra mbedye. Ma gi nee ri chøtrʼꞹ kʼo gi nee kja na skuama, ri juajnꞹ (nzakja, YO LIBRO ÑE YO FOLLETO o YO REVISTA).

Ma kʼo i juajnꞹ dya ba e̱je̱ nu skuama ke i jyodʼꞹ, ra mbedye vinculo kja ñaja página nu ja ri chøtrʼꞹ nu idioma ke i jyodʼꞹ.