Nou biro mondial trouv Lamerik. Selman, nou pa enn sekt Ameriken pou sa bann rezon-la:

•   Sertin dekrir enn sekt kouma enn group ki finn separ li ar enn relizion ki’nn bien etabli. Bann Temwin Zeova pa finn sorti dan okenn lezot relizion. Okontrer, nou panse ki nou finn retabli vre relizion Kretien ki ti existe dan premie siek.

•   Bann Temwin Zeova aktif dan plis ki 230 pei ek teritwar. Dan ninport ki landrwa nou reste, an premie, nou montre ki nou fidel ar Zeova ek Zezi Kris, pa ar gouvernman Ameriken ni okenn lot gouvernman imin.—Zan 15:19; 17:15, 16.

•   Tou nou bann lansegnman baze lor Labib, pa lor bann liv ki sertin sef relizie Ameriken inn ekrir.—1 Tesalonisien 2:13.

•   Nou swiv Zezi Kris, pa enn sef imin.—Matie 23:8-10.