“Bondie . . . pou souy tou larm dan zot lizie, ek lamor nepli pou existe. Dimounn nepli pou an-dey, zot nepli pou plore ek nepli pou ena douler. Bann kitsoz ki ti ena avan finn disparet.”​—Révélation 21:3, 4, Traduction du monde nouveau.

Enn travay ki ena sans ek ki fer ou gagn satisfaksion.​—Isaïe 65:21-23.

Pou nepli ena okenn maladi ni okenn soufrans.​—Isaïe 25:8; 33:24.

Enn lavi ere pou touletan, avek ou fami ek ou bann kamarad.​—Psaume 37:11, 29.

Wi, pou omwin de rezon:

• Bondie ena kapasite pou realiz so promes. Dan Labib, zis Jéhovah tousel ki apel Bondie “Tou-Pwisan,” parski so pouvwar pena limit. (Révélation 15:3) Alor, Li vremem ena kapasite pou tini so promes pou sanz sa lemond-la ek fer li vinn pli bon. Parey kouma Labib dir, “pou Bondie tou kitsoz posib.”​—Matthieu 19:26.

• Bondie bien anvi realiz so promes. Par exanp, Jéhovah pe “atann avek inpasians” pou redonn lavi bann dimounn ki’nn mor.​—Job 14:14, 15.

  Labib montre osi ki Jésus, Garson Bondie, ti geri bann malad. Kifer li ti fer sa? Parski li ti vremem anvi. (Marc 1:40, 41) Parey kouma so Papa, Jésus ti bien anvi soutenir bann ki ti bizin led.​—Jean 14:9.

  Wi, nou ena lasirans ki Jéhovah ek Jésus toulede anvi ki nou ena enn lavenir ere!​—Psaume 72:12-14; 145:16; 2 Pierre 3:9.