Eski to’nn deza gagn difikilte pou rapel seki to’nn fek etidie? Se enn kitsoz ki’nn deza ariv nou tou. Me ki kitsoz kapav ed twa? Reget bann pwin inportan.

Kan to pe etidie, fer bann ti poz pou to reflesi lor bann pwin inportan ki to pe aprann. Se seki lapot Pol ti ankouraz so bann frer ek ser pou fer kan zot ti lir so let. Li ti dir zot: “Ala pwin inportan.” (Ebre 8:1) Sa metod-la ti ed zot pou konpran seki li ti pe dir, ek pou trouve kouma sak pwin ena enn lien ar so kamarad.

Kan to fini etidie, to kapav pran dis minit pou reflesi lor bann pwin inportan ki to’nn aprann. Si to nepli rapel zot, reget bann soutit ouswa bann premie fraz sak paragraf, parski bien souvan premie fraz sak paragraf se bann fraz inportan. Sa pou ed twa pou rapel seki to’nn aprann. Si to’nn aprann enn nouvo kitsoz, esey explik li dan to prop mo. Kan to esey fer enn rezime bann kitsoz ki to’nn etidie, li pou pli fasil pou to rapel zot. Lerla, to pou konpran pli bien kouma to kapav met zot an pratik.